00:00:00 IGIHE NETWORK KN KINYARWANDA EN ENGLISH FR FRANCAIS

Johnny Drille yaririmbye u Rwanda mu ndirimbo ye nshya

Yanditswe na Uwiduhaye Theos
Kuya 14 Nzeri 2021 saa 06:46
Yasuwe :
0 0

Umuririmbyi w’Umunya-Nigeria, John Ighodaro wamenyekanye nka Johnny Drille yaririmbye u Rwanda mu ndirimbo ye nshya iri kuri album aheruka gushyira hanze.

Ni album uyu muhanzi yise ‘Before We Fall Asleep’. Iyi album y’indirimbo 14 iriho yayikoranye n’abandi bahanzi barimo Don Jazzy , Styl-Plus , Ayra Starr on Chylde n’abandi batandukanye.

Mu ndirimbo yise Odo yahuriyemo na Styl Plus, uyu muhanzi yumvikana avuga ko azasohokana umukunzi we mu Rwanda. Aba abwira umukunzi we ko azamusohokana mu Rwanda amuvanye i Paris.

Mu kiganiro aheruka kugira na KC2 mu kiganiro cyitwa Beats and Sounds, yagaragaje ko u Rwanda ari igihugu akunda kandi yishimira.

Icyo gihe yagize ati “Naje mu Rwanda mu Ukwakira 2019, nk’umuntu wakuriye muri Nigeria ni ubwa mbere nari ngeze muri Afurika y’Iburasirazuba. U Rwanda nk’igihugu cya mbere nagezemo muri ako gace naratunguwe cyane no kubona banzi cyane, banashobora kuririmba indirimbo zanjye zose.”

Ubwo yazaga mu Rwanda mu 2019 , yabwiye itangazamakuru ko hari indirimbo yahimbye akuruwe n’ubwiza bw’abanyarwandakazi ifite n’izina ry’Ikinyarwanda ariko kuri iyi album ye nshya ntabwo iriho.

Johhny Drille ubusanzwe uririmba injyana ya ‎Folk‎; ‎alt-rock[irimo imvange ya RnB n’umudiho muke wo muri Nigeria] muri iki kiganiro yabanje kubazwa niba atarabanje kugorwa n’ikibuga cy’iwabo cyane ko benshi muri iki gihugu bakunda Afrobeats, mu gusubiza avuga byabayeho ariko ntacike intege.

Yakomeje avuga ko yagerageje guhuza umuziki we n’umuco wo muri Nigeria kandi abantu benshi bakaza kubikunda ndetse bakamwereka ko nawo wari ukenewe muri iki gihugu.

Uyu muhanzi yamenyekanye mu ndirimbo zitandukanye zirimo “Wait For Me” yatangiriyeho, “Romeo & Juliet” yamwubakiye izina ku ruhando mpuzamahanga, “Halleluya” yakoranye na Simi n’izindi nyinshi.

Johnny Drille yaririmbye u Rwanda mu ndirimbo ye nshya
Johnny Drille aheruka kuvuga ko akunda u Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .