00:00:00 IGIHE NETWORK KN KINYARWANDA EN ENGLISH FR FRANCAIS

Mama Sava yahishuye ko ari mu rukundo n’umusore bamuhayemo "passe"

Yanditswe na Nsengiyumva Emmy
Kuya 23 May 2022 saa 04:09
Yasuwe :

Munyana Analisa benshi bazi nka Mama Sava muri filime ‘Papa Sava’ ya Niyitegeka Gratien, yahishuye ko ari mu munyenga w’urukundo n’umusore bahujwe n’inshuti yabo yamutanzemo ‘passe’.

Birashoboka ko ijambo ‘passe’ mu rukundo ari rishya mu matwi yawe, abakiri bato ubu baryongeye mu yo bakoresha mu buzima bwa buri munsi.

Ni ijambo rikoreshwa iyo umuntu ashaka kumvikanisha ko mu guhura kw’abantu bakundana hajemo undi hagati wabahuje atuma batangira urugendo rw’urukundo.

Uzaryumva iyo umusore cyangwa inkumi yifuza uwo bakundana ariko agatinya kumugeraho, agashaka uwo azi ko baziranye akaba yabahuza bikoroshya ibiganiro biganisha ku gukundana.

Ibi ni ko byagendekeye Mama Sava, mu myaka ibiri ishize ubwo umusore (yirinze kuvuga) yamubengukaga ariko akabura uko amugeraho agahitamo kumutuma ku nshuti ye.

Ati “Sha uriya musore ni igitangaza, yakundaga kuvuga ko ankunda rimwe abibwira umushuti wanjye dukinana muri sinema, umunsi umwe rero uwo mushuti wanjye yaje kuntumira iwe, ngezeyo nasanzeyo umusore ntari nzi naho burya ni umwe wari warankunze.”

Nyuma yo kumenyana no gutangira kuganira, Mama Sava avuga ko byabasabye nk’amezi atatu kugira ngo binjire mu rukundo bya nyabyo.

Kuri ubu Mama Sava yahishuye ko imyaka igiye kuzura ibiri akundana n’uyu musore wanamwambitse impeta y’icyizere mu rukundo.

Icyakora ngo si impeta y’isezerano ryo kubana yambitswe, ahubwo ngo ni ishimangira icyizere cyabo mu rukundo.

Ati “Ntabwo ari iy’isezerano ryo kubana, oya. Ni impeta y’uko twari twemeranyije gukundana bya nyabyo. Yayinyambitse muri Gashyantare 2022.”

Mama Sava asubiye mu nkuru z’urukundo nyuma y’imyaka hafi itanu atandukanye n’umugabo bari barakoze ubukwe.

Mama Sava yahishuye ko ari mu rukundo n’umusore bahuye bamutanzemo ‘Passe’
Mama Sava asigaye yambaye impeta umusore yamuhaye amusaba ko urukundo rwabo rwakomera

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .