Mani Martin yasohoye amashusho y’indirimbo “Amahwemo” ikubiyemo inkuru y’umusore wakunze umukobwa wicuruza

Yanditswe na Nsengiyumva Emmy
Kuya 26 Werurwe 2020 saa 09:01
Yasuwe :
0 0

Mani Martin yasohoye indirimbo nshya yise “Amahwemo” ikubiyemo inkuru y’umusore wakunze inkumi yicuruza nyuma yo guhura agiye kumugura bikarangira amugiriye urukundo.

Iyi ndirimbo yari imaze amezi abiri isohotse, kuri ubu yayikoreye amashusho. Ayiririmbamo inkuru y’umusore wasanze umukobwa ukora umwuga w’uburaya ku muhanda akamusaba ko bakora imibonano mpuzabitsina, icyakora nyuma y’ibihe byiza bagiranye akabura amahwemo kubera urukundo yaje kumugirira, bikarangira yifuza ko bakundana ndetse ntasubire ku muhanda ukundi.

Mu gitero cya mbere cy’iyi ndirimbo agira ati” Urasa naho uhari kandi nabwo udahari gusa umutima wanjye wifuza kuguhorana, nzerekana uko twahuye, wari utegereje uwaza wese ngo wishakiraga ubuzima, waranyakiriye numva unyuze umutima ukunda.”

”Nibyo koko ndagukeneye ariko ndashaka kugukunda by’ukuri niwemera gusigarana nanjye nakwibagiza amajoro y’imbeho. Iyaba wanyemereraga tukagumana nanjye sinagutenguha.”

Iyi ndirimbo Mani Martin yayikorewe mu buryo bw’amajwi na Clement the Guitarist isozwa na Nizbeats watunganyije amajwi yayo. Amashusho yayo yo yafashwe anatunganywa na Gerard Kingsley.

Reba iyi ndirimbo "Amahwemo" ya Mani Martin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .