Manishimwe Djabel n’umugore we bibarutse imfura

Yanditswe na Uwiduhaye Theos
Kuya 3 Ugushyingo 2019 saa 01:39
Yasuwe :
0 0

Manishimwe Djabel ukinira APR FC n’umugore we Niyitunganye Kawthar bibarutse umwana w’umuhungu.

Uyu mukinnyi w’ikipe y’Igihugu Amavubi na APR FC n’umugore we bibarutse umuhungu ku gicamunsi cyo kuri uyu wa Gatandatu tariki 2 Ugushyingo 2019.

Aba bombi basezeranye kubana akaramata ku wa Gatandatu tariki 26 Mutarama 2019.

Mu bitabiriye ubu bukwe bwa Manishimwe Djabel harimo abakinnyi batandukanye bamenyerewe mu mupira w’amaguru mu Rwanda ; barimo murumuna we Tumushime Ally Tidjan, Kassim Ndayisenga na Bashunga Abouba baherekejwe na Mutsinzi Ange Jimmy.

Manishimwe yavutse tariki 10 Gicurasi 1997, yafashe umwanzuro wo kubana na Kawthar nyuma y’imyaka ine baziranye kuko bamenyaniye mu Karere ka Nyanza aho Rayon Sports yahoze akinamo yabaga mu 2015.

Akora ubukwe yabwiye IGIHE ko uyu mufasha we agiye kumufasha gusubira mu bihe byiza by’umupira w’amaguru kuko ariko kazi kabatunze.

Yagize ati “Ni umukobwa tuziranye neza. Umfasha kubona ibyishimo iyo hari ibitagenda. Ni umufasha uzamba hafi mu minsi isigaye y’ubuzima bwanjye. Mfasha umwanzuro wo kurushinga na we nkiri muto kuko mukunda cyane kandi nanirinda ibishuko byo mu myaka yacu kuko byangiza umusaruro mu kazi k’umupira w’amaguru. Azamfasha gusubira mu bihe byiza vuba aha.”

Hari habanje kubaho umuhango wo gusezerana imbere y’amategeko ku wa 15 Mutarama 2019, mu gihe ku wa 26 habayeho gusaba no gukwa ndetse no gusezerana imbere y’Imana n’uyu mukobwa uvuka kwa Havugimana Said bita ‘Haji’, umucuruzi uzwi mu Mujyi wa Nyanza.

Gusezerana imbere y’Imana bizabera byabereye ku Musigiti w’i Remera ku Giporoso naho abatumiwe bakiriwe ku i Rebero ahitwa ‘Pégase Resort Inn’.

Manishimwe Djabel yazamukiye mu Isonga FC mu 2013 mbere yo kwerekeza muri Rayon Sports 2014 akinira kugera ubu yarushinze na Niyitunganye Kawthar bamenyanye mu 2015 mu Karere ka Nyanza aho uyu mukobwa akomoka, ari naho Rayon Sports yari ituye. Ubu Djabel ni umwe mu bakinnyi b’imena ba APR FC.

Djabel n'umugore we basezeranye kubana akaramata muri Mutarama 2019
Manishimwe Djabel ukinira APR FC n’umugore we Niyitunganye Kawthar bibarutse umwana w’umuhungu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza