00:00:00 IGIHE NETWORK KN KINYARWANDA EN ENGLISH FR FRANCAIS

Ibyihariye kuri Album Mico The Best azitirira umwana we

Yanditswe na Nsengiyumva Emmy
Kuya 23 May 2022 saa 06:45
Yasuwe :

Mico The Best uri mu bahanzi bakunzwe mu Rwanda, ari mu myiteguro yo gushyira hanze album ya gatatu, izaba ari n’iya mbere akoreye muri Kikac Music, aho ifite umwihariko w’uko izitirirwa umwana we, ’Stone’.

Iyi album nshya ya Mico The Best izaba igizwe n’indirimbo 10 zitarasohokaho n’imwe, iya mbere agiye gusohora ikaba yitwa ‘Indembo’ yanatangiye kwamamazwa.

Mu kiganiro na IGIHE, Mico The Best yahishuye ko iyi album izaba igizwe n’indirimbo enye yakoranye n’abandi bahanzi barimo n’abo hanze y’u Rwanda ariko atifuje gutangaza amazina.

Asobanura impamvu yahisemo kwitirira iyi album umwana aherutse kwibaruka, yavuze ko bitari bimworoheye gufatanya inshingano z’umuryango we no kujya muri studio ubwo yakoraga kuri iyi album.

Ati “Urabyibuka ko nakoze ubukwe muri Nzeri 2021, icyo gihe nari naratangiye kuyikoraho, yewe no mu gihe twiteguraga kwibaruka nabaga ndi gukora n’indirimbo zizajyaho, aho niho igitekerezo cyo kuyimwitirira cyaturutse.”

Iyi album izaba ibaye iya gatatu nyuma ya Umutaka na Kule asanganywe. Igitangaje ni uko iyi album itazaba iriho indirimbo nka Umunamba, Igare, Millionaire n’izindi amaze igihe ashyira hanze.

Ati “Ziriya ndirimbo nazikoze mu gihe Covid-19 yari imereye nabi abantu, ntekereza ko byaba bigoye kuvuga ko zo ziri kuri album nshya, zo zizaguma ari indirimbo gusa nahaye abakunzi banjye.”

Uyu muhanzi yavuze ko yitegura gukora ibitaramo bitandukanye byo kumurika iyi album, akaba abiteganya muri Nzeri 2022, aho yifuza kuzazenguruka Intara zose z’u Rwanda, byamukundira akajya no hanze yacyo.

Album ya gatatu Mico The Best agiye gusohora yayikoze mu gihe yakoraga ubukwe no mu bihe byo kwibaruka
Indembo igiye kuba indirimbo ya mbere iri kuri iyi album Mico The Best agiye gusohora

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .