Miss Nimwiza Meghan yageze i Kigali avuga imyato urugendo rwe i Burayi (Video)

Yanditswe na Uwiduhaye Theos
Kuya 25 Ukwakira 2019 saa 08:45
Yasuwe :
0 0

Miss Nimwiza Meghan wari iminsi ku mugabane w’u Burayi, yagarutse mu Rwanda yakirwa na Se, anahishura bimwe mu biganiro we na bagenzi be bagiranye na ba Ambasaderi bahuye.

Mu ntangiriro z’Ukwakira 2019 nibwo Iradukunda Liliane, Iradukunda Elsa na Nimwiza Meghan bose begukanye ikamba rya Nyampinga w’u Rwanda mu myaka itatu ishize berekeje ku mugabane w’u Burayi bitabiriye Rwanda Day yabereye mu Budage.

Usibye kwitabira Rwanda Day yabereye mu Mujyi wa Bonn ku wa 5 Ukwakira 2019, batembereye ibihugu binyuranye birimo u Bubiligi, u Bufaransa n’u Buholandi.

Ku mugoroba wo kuri uyu wa Kane, Miss Iradukunda Liliane ndetse na Iradukunda Elsa nibo babanje kugaruka mu Rwanda mu gihe Nimwiza Meghan we yahasesekaye mu gitondo cyo kuri uyu wa Gatanu.

Mu kiganiro Nimwiza yagiranye na IGIHE yavuze yishimiye uru rugendo ariko akagorwa cyane n’imbeho yo mu bihugu by’Iburayi yagiye atemberamo. Yahishuye bimwe mu byari bikubiye mu biganiro bagiranye na ba Ambasaderi bahuye na bo.

Ati “Byari byiza hari abanyarwanda benshi bishimye muri Rwanda Day. Narabyishimiye. Akantu kansigaye mu mutwe ni imbeho y’Iburayi. Bwari ubwa mbere ngiye mu ndege, nta kibazo nagize. Hari ibikorwa twagiye dukorayo cyane ko twari turi ba nyampinga batatu, twahuye na ba Ambasaderi b’u Rwanda mu Bubiligi no mu Buholandi tuganira ku mirimo yacu n’uko twakorana n’abanyarwanda bari hanze y’igihugu cyane cyane urubyiruko. Uko twafatanya na diaspora.”

Yabajijwe uko yiteguye Miss World azitabira mu mezi make ari imbere avuga ari neza, abajijwe igihugu yishimiye mu byo yatembereyemo avuga ko ari u Bufaransa.

Ati “Ntabwo navuga ngo bitandukanye n’abandi ba nyampinga bagiye muri Miss World mbere yanjye gusa ibyo ari byo byose nzitwara neza. Ibihugu byose natembereye byari byiza ariko cyane cyane Paris mu Bufaransa byari byiza.”

Nimwiza na bagenzi be batembereye mu bihugu binyuranye by’i Burayi, banahura na ba Ambasaderi barimo Rugira Amandin uhagarariye u Rwanda mu Bubiligi na Karabaranga Jean Pierre, uruhagarariye mu Buholandi.

Uyu mukobwa yavuze ko ahantu yatembereye hakamushimisha ari mu Mujyi wa Paris mu Bufaransa
Nimwiza yakiriwe na Se ubwo yavaga i Burayi

Interviewer: Emmy Nsengiyumva

Video: Hakizimana Olivier Souke


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza