Mu gitaramo cya Diamond ,Urban Boyz na King James baririmbiye abanduruka

Yanditswe na

Murungi Sabin & Kalinda Brendah

Kuya 2 Mutarama 2015 saa 01:37
Yasuwe :
0 0

Mu ijoro ryo kuri uyu wa Kane tariki ya 1 Mutarama 2015, umuhanzi umaze kubaka izina mu buryo bukomeye muri Afurika, Diamond Platinumz yakoreye igitaramo mu Mujyi wa Kigali afatanyije n’abahanzi bo mu Rwanda barimo King James , Urban Boyz, Jay Polly na Knowless.
Icyagaragaye muri iki gitaramo ni uko bamwe mu bahanzi nyarwanda basondetse abafana n’abakunzi b’umuziki muri rusange ku bwo kutubahiriza igihe bagombaga kuririmbira no kutagendera kuri gahunda yashyizweho na East African Promotors (...)

Mu ijoro ryo kuri uyu wa Kane tariki ya 1 Mutarama 2015, umuhanzi umaze kubaka izina mu buryo bukomeye muri Afurika, Diamond Platinumz yakoreye igitaramo mu Mujyi wa Kigali afatanyije n’abahanzi bo mu Rwanda barimo King James , Urban Boyz, Jay Polly na Knowless.

Icyagaragaye muri iki gitaramo ni uko bamwe mu bahanzi nyarwanda basondetse abafana n’abakunzi b’umuziki muri rusange ku bwo kutubahiriza igihe bagombaga kuririmbira no kutagendera kuri gahunda yashyizweho na East African Promotors (EAP) ari nayo yateguye iki gitaramo.

Igitaramo cyaranzwe n’ubwitabire bushimishije nubwo butari bushamaje cyane gusa abafana bari benshi ndetse benshi batashye bizihiwe ku bw’ibyo umuhanzi Diamond Platinumz yakoze.

Knowless wabimburiye abandi bahanzi yageze ku rubyiniro ahagana saa mbili n’iminota 20. Yaririmbye zimwe mu ndirimbo ze abafana be bakunze zirimo ‘Wari urihe’, ‘Tulia’, ‘Sweet Mutima’ n’izindi mu buryo bwa Live. Uyu mukobwa agihamagarwa ku rubyiniro byagaragaraga ko abafana bamwishimiye cyane ndetse abo mu itsinda rimufana ryitwa ‘Intwarane’ bari bazanye ibyapa biriho amafoto ye n’inyandiko zigaragaza ko bamushyigikiye.

Hakurikiyeho Jay Polly na we waririmbye mu buryo bwa Live indirimbo ze nka ‘Ku musenyi’, ‘Oh my God’ n’izindi. Uyu muraperi ageze hagati aririmba, yasabye abacuranzi guhagarika umuziki agira icyo avuga ku magambo Diamond yatangaje ko abahanzi nyarwanda batazi icyo bashaka ndetse gutera imbere kwabo bizagorana. Jay Polly yavuze ko uyu Munyatanzaniya yibeshye cyane mu mvugo dore ko ngo umuziki nyarwanda uri ku rwego rukomeye kurusha uko umuntu wese ushaka gupfobya ibikorwa abahanzi nyarwanda bagezeho.

Saa tatu zuzuye, Diamond n’itsinda rye basesekaye ku rubyiniro. Abafana hafi ya bose bavugije induru z’ibyishimo, abafite ibyo kunywa babimenanaho, abagufi bahagarara ku ntebe bongera uburebure bwabo, abari kure y’urubyiniro begera imbere maze atangira kubaririmbira ari nako itsinda rimubyinira ryerekana ibyo rizi mu gukaraga umubyimba.

Diamond yaririmbye indirimbo enye mu buryo bwa Live arangije azinga ibyuma ashyiramo CD ubundi ahata abafana umuziki bisa no kumva radiyo. Nubwo yaririmbiye kuri CD, uyu muhanzi yerekanye ko iki gitaramo yari yaracyiteguye urebeye mu mibyinire ye, gushyiramo indirimbo abafana bakeneye no kubarinda gukonja mu buryo bwose.

Uyu muhanzi yavuze ko ibintu bibiri by’ingenzi yabonye mu Rwanda kuva yahagera ari ‘Isuku’ no kuba u Rwanda rufite ‘Abakobwa beza’.

Diamond yariririmbye mu gihe cy’amasaha abiri n’iminota 20. Muri aya masaha yose yari afite, yafashemo ikiruhuko cy’iminota 10 nayo ababyinnyi be n’abasore bamufasha mu majwi y’inyuma basigaye bashyushya abafana babifashijwemo na DJ we bwite witwa Romy Jones.

Indirimbo ‘Ntampata wapi’, ‘Mdogo Mdogo’, ‘Numbe One’, ‘Nataka Kulewa’, ‘Moyo wangu’ ziri mu zishimiwe cyane.

Ku bwo kutubahiriza igihe bagombaga kuririmbira, Urban Boyz na King James bimuriwe inyuma ya Diamond bityo ahagana saa tanu n’igihe MC Tino na Anita babuza abafana gutaha bababwira ko hakiri abandi bahanzi. Byabaye iby’ubusa kuko benshi mu bitabiriye iki gitaramo cyafatwaga nk’icya Diamond gusa bari batangiye gutaha.

Urban Boyz yageze imbere y’abafana saa tanu n’iminota 23, bashyizemo CD biyereka abafana mu minota igera kuri 7 barangiye barikubura barataha. Iyo minota baririmbye nabwo benshi bari batangiye kubyigana bataha.

Nyuma hanyuzemo icyuho cy’iminota igera kuri 15 abafana bategereje ko King James ahagera, bamwe batangiye kwiheba no gucika intege babona uyu muhanzi abageze imbere asimbuka mu ndirimbo ‘Ganyobwe’ na we yunga mu rya Urban Boyz aririmbira kuri CD iminota mike igitaramo gisozwa gutyo.

Buri muhanzi haba Diamond , Knowless , Jay Polly , King James na Urban Boyz bagombaga kuririmba Live. Byaje guhinduka gusa Knowless na Jay Polly bo babikoze uko bikwiye baririmba Live bagenzi babo bo bahitamo gukoresha CD ubundi bizunguza imbere y’abafana.

Oda Paccy
Jay Polly
Jay Polly n'ababyinnyi be
Tino, Tidjara na Anita ni bo bayoboye igitaramo
Minisitiri Habineza yarebye igitaramo ahagaze mu bafana
Diamond yaririmbaga anakora siporo mu buryo butandukanye
Diamond yerekanye ko afite ingufu zikomeye ku rubyiniro
Zari, umukunzi wa Diamond yari yicaye bugufi y'urubyiniro areba igitaramo
King James yaririmbye nyuma abafana batangiye gutaha

Amafoto: JP Nsanzabera


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .