Mu mafoto: Abagize Akanama Nkemurampaka ka Miss Rwanda 2021 batangiye akazi

Yanditswe na Nsengiyumva Emmy
Kuya 16 Gashyantare 2021 saa 07:09
Yasuwe :
0 0

Nyuma y’umunsi umwe hatangajwe abagize Akanama Nkemurampaka ka Miss Rwanda, guhera kuri uyu wa 16 Gashyantare 2021, abakagize batangiye akazi ko gutanga amanota ku bakobwa bazahagararira intara zitandukanye.

Abagize Akanama Nkemurampaka ka Miss Rwanda 2021 batangiye gutanga amanota mu gihe amashusho y’abakobwa bari guhatanira guhagararira intara zitandukanye ari gutambutswa kuri Televiziyo y’u Rwanda mu ijonjora ry’ibanze riri gukorwa hifashishijwe ikoranabuhanga.

Ku ikubitiro kahereye ku Ntara y’Iburengerazuba aho amashusho y’abakobwa bose yamaze gutambutswa kuri TVR.

Abari gutanga amanota barimo Emma Claudine, umunyamakuru wamenyekanye cyane kuri Radio Salus, akaba amaze imyaka irenga 15 yigisha urubyiruko ubuzima bw’imyororokere binyuze mu kiganiro yise ‘Imenye nawe’; Pamela Mudakikwa, uharanira uburenganzira bw’umwari n’umutegarugori; Michèle Iradukunda ukorera RBA, umaze imyaka umunani mu itangazamakuru; Mariya Yohana, umuhanzi w’icyitegererezo mu muziki gakondo ndetse na Miss Jolly Mutesi ukuriye Akanama Nkemurampaka ka Miss Rwanda.

Aka kanama nkemurampaka kazagira uruhare runini mu gutanga amanota yo gushakisha abakobwa bazahagararira buri ntara ndetse n’Umujyi wa Kigali mu irushanwa rya Miss Rwanda 2021.

Miss Rwanda 2021 irarimbanyije

Ibikorwa by’amajonjora y’ibanze byatangiye tariki 9 Gashyantare bizarangira ku wa 18 Gashyantare 2021.

Kuva ku wa 19 Gashyantare, abategura bazatangira kwerekana abahagarariye intara zitandukanye bazaba batsinze amajonjora y’ibanze.

Gutora kuri murandasi na SMS bizatangira ku wa 22 Gashyantare kugira ngo hamenyekane abazaba batsindiye imyanya ya mbere 20.

Abahatana bazinjira mu muhezo ku wa 3 Werurwe mu gihe ‘pre-selection’ yo gutoranya izaba ku wa 6 Werurwe.

Abahatana 20 ba mbere bazagera mu cyiciro cya nyuma, bazajya mu mwiherero uzatangira ku wa 6 Werurwe kugeza ku wa 20 Werurwe, ubwo hazaba ari ku munsi wa nyuma w’irushanwa.

Gusoza irushanwa bizabera muri Kigali Arena mu birori bizatambuka kuri Televiziyo y’u Rwanda.

Miss Jolly Mutesi agenera amanota abakobwa bahatanira guhagararira Intara y'Iburengerazuba
Mariya Yohana ukunze kwiyambazwa mu kanama nkemurampaka ka Miss Rwanda, yongeye kugaragara mu k'uyu mwaka
Michèle Iradukunda mu gikorwa cyo gutanga amanota muri Miss Rwanda 2021
Pamela Mudakikwa mu itangwa ry'amanota ya Miss Rwanda 2021
Emma Claudine wabaye umunyamakuru ukomeye mu Rwanda ari gutanga amanota muri Miss Rwanda2021
Mbere yo gutanga amanota babanza kwitegereza amashusho ya buri mukobwa uhatanira guhagararira intara ye

Amafoto: Igirubuntu Darcy


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .