Nel Ngabo na Platini baririmbye mu Ilingala uburyo urukundo rusaza umuntu

Yanditswe na Uwiduhaye Theos
Kuya 21 Ukwakira 2019 saa 10:53
Yasuwe :
0 0

Rwangabo Byusa Nelson wazanye mu muziki amazina ya Nel Ngabo uri mu bahanzi bakizamuka bari kugaragaza impano nyuma yo gutangira gukorana na Kina Music, yakoranye indirimbo na Platini wo muri Dream Boyz bagaragaza ukuntu urukundo rutwara umuntu nk’umusazi.

Iyi ndirimbo nshya ya Nel Ngabo yise ‘Ya Motema’ bisobanuye ‘y’urukundo’ yakozwe na Ishimwe Karake Clement mu buryo bw’amajwi, naho amashusho akorwa na Meddy Saleh. Imara iminota itatu n’amasegonda 31.

Nel Ngabo yabwiye IGIHE ko yifuje kwifashisha Platini kuko yagize igitekerezo cyayo bari kumwe muri Studio bagahita batangira kuyandika no kuyiririmba gutyo. Nta kindi kintu cyandeweho dukorana.

Ati “Platini niwe wari uri hafi duhita tuyikorana. Uyumvishe neza wumva ari umuntu watakaje umwanya mu rukundo rukamusaza ariko bikaza kurangira nabi. Impamvu ni uko urukundo rw’iki gihe akenshi ni ko bimeze, kubona urukundo rwa nyarwo ni nko guhirwa.”

‘Ya Motema’ ije ari indirimbo ya kane ya Nel Ngabo nyuma y’izindi yakoze zikishimirwa zirimo ‘Why’, ‘Nzahinduka’ na ‘Byakoroha’ yaherukaga gukora.

Uyu musore w’imyaka 21 yatangiye umuziki mu 2017, gusa impano ye yatangiye gushashagirana mu ntangiro za 2018 ubwo yinjiraga muri Kina Music ibarizwamo abahanzi bakomeye nka Butera Knowless, Dream Boyz na Tom Close.

Uretse kugira ijwi rihebuje uyu musore azi no gucuranga Piano, mu muziki we yibanda ku njyana ya RnB kuko ngo ariyo yiyumvamo kurusha izindi zose.

Nel Ngabo yavuze ko gukorana na Platini byaturutse ku kuba baragize igitekerezo cyo gukora indirimbo bari kumwe muri studio
Nel Ngabo ni umwe mu bahanzi bazamukanye ingoga muri muzika nyarwanda
Nel Ngabo abarizwa muri Kina Music ya Ishimwe Clement
Umukobwa Nel Ngabo yifashishije mu mashusho y'iyi ndirimbo nshya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza