Neza yatangiye gufashwa n’inzu y’umukunzi we Skales wo muri Nigeria

Yanditswe na Uwiduhaye Theos
Kuya 1 Ugushyingo 2019 saa 02:22
Yasuwe :
0 0

Umuririmbyi w’Umunyarwandakazi, Neza Patricia Masozera, ukorera umuziki muri Nigeria yatangiye gushyira hanze ibihangano yakoze afashijwe n’inzu ireberera abahanzi ya Skales bamaze umwaka urenga bakundana.

Uyu muhanzikazi yashyize hanze indirimbo nshya yise ‘Killa’ irimo ubutumwa bw’urukundo, bw’umukobwa uba waratwawe uruhu n’uruhande n’umusore. Yakorewe muri label ya Skales bakundana.

Ni wo mushinga wa mbere akoreye muri OHK Music. Iyi nzu ifasha abahanzi Skales yayishinze mu 2014 nyuma yo kuva muri Empire Mates Entertainment[E.M.E] yashinzwe na Banky W yabarizwagamo kuva mu 2009 kugeza mu 2014[yari anamazemo imyaka itanu]. Iyi inzu ikoreramo Producer Drey Beatz.

Neza yahoze abarizwa mu nzu ifasha abahanzi ya MCG Empire ayivamo nyuma y’imyaka ibiri yari ishize bakorana.

Neza w’imyaka 34 yahishuye iby’urukundo rwe na Skales muri Werurwe uyu mwaka ashyira uruhererekane rw’amafoto ku rukuta rwe rwa Instagram agaragaza ko ari mu rukundo na Raoul John Njeng-Njeng uzwi nka Skales mu muziki wa Nigeria.

Ni ubwa mbere Neza yari agaragaje amarangamutima ye ku bijyanye n’urukundo agashimagiza umusore muri ubu buryo. Mu mwaka ushize byigeze guhwihwiswa ko yaba akundana Skales nyuma y’aho yari amaze gutandukana n’undi mukobwa wo muri Ethiopia ariko biza gufatwa nk’ibihuha.

Muri Gicurasi yashimangiye iby’urukundo rwe na Skales maze amuvuga imyato karahava avuga ko badateze gutandukana ahubwo bazakundana kugeza ku ndunduro.

Mu 2017 uyu mukobwa yegukanye igihembo cyo ku rwego rwa Afurika nk’umuhanzi utanga icyizere cy’ejo hazaza muri AFRIMMA, aza no kucyereka Abanyarwanda mu gitaramo cya Kigali Jazz Junction yahuriyemo na Masamba mu Ukuboza uwo mwaka.

Neza amaze igihe akundana na Skales
Neza yashyize hanze Killa yakoreye muri label y'umukunzi we

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza