00:00:00 IGIHE NETWORK KN KINYARWANDA EN ENGLISH FR FRANCAIS

Ni ubwa mbere nari ngeze muri stade! Bruce Melodie yagarutse ku mukino APR FC yatsinzemo Rayon Sports

Yanditswe na Nsengiyumva Emmy
Kuya 25 Ugushyingo 2021 saa 07:56
Yasuwe :
0 0

Bruce Melodie yahishuye ko yinjiye bwa mbere muri stade agiye kureba umupira ku wa Kabiri tariki 23 Ugushyingo 2021, umunsi APR FC yatsinzemo Rayon Sports ibitego 2-1.

Ibi Bruce Melodie yabivugiye mu kiganiro ‘The Bar Talk’ gitambuka kuri Televiziyo y’u Rwanda aho yari umutumirwa w’umunsi.

Ni ikiganiro cyabaye amasaha make nyuma y’uyu mukino ukomeye, byatumye umunyamakuru amubaza niba yari umusore usanzwe ujya muri stade kureba imikino ndetse niba hari n’ikipe yafanaga mu zakinaga.

Uyu muhanzi wahawe akazi ka Brand Ambassador wa Primus ikaba umuterankunga wa shampiyona, yavuze ko ari ubwa mbere yari agiye kureba umupira.

Ati “Ntababeshye ni ubwa mbere nari ngiye kureba umupira, mu by’ukuri sindaba umufana wa nyawe ariko ndacyashakisha ikipe yo gufana.”

Ni ikiganiro kandi Bruce Melodie yahishuriyemo ko yifuza kugaragara ku ruhando rwa Afurika aho kuba Akarere ka Afurika y’Iburasirazuba.

Ati “Muri East Africa ho byaratangiye, ahubwo ubu ndi kureba ishusho ya Afurika, umuntu uri muri Asia cyangwa Amerika yatekereza umuhanzi wo muri Afurika akaba ari njye atekereza kandi birashoboka, niba naravuye mu rugo nta n’igiceri mfite ubu Primus ikaba yarampaye akazi nta kidashoboka.”

Bruce Melodie uherutse kwizihiza imyaka icumi amaze mu muziki, akabikorera igitaramo cyitabiriwe n’imbaga y’abafana, aherutse kuvuga ko icyiciro cya mbere cy’urugendo rwe mu muziki yakirangije, akurikijeho indi myaka nk’iyo nayo izarangwa n’ibikorwa birenze ibya mbere.

Bruce Melodie yahishuye ko yinjiye muri stade bwa mbere ubwo yarebaga umukino APR FC yatsindaga Rayon Sports ibitego 2-1
Bruce Melodie yahishuye ko nta kipe n'imwe yari yatangira gufana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .