00:00:00 IGIHE NETWORK KN KINYARWANDA EN ENGLISH FR FRANCAIS

Nyuma y’uko Diamond akoranye indirimbo na Koffi Olomide, Harmonize yegereye Awilo Longomba

Yanditswe na Nsengiyumva Emmy
Kuya 17 Mata 2021 saa 09:52
Yasuwe :
0 0

Umunyarwanda niwe wavuze ngo uguhiga ubutwari muratabarana! Harmonize uherutse kwiyomora kuri Diamond agatangira kwikorana kuri ubu barashyiditse. Aba acungira hafi uwahoze ari shebuja ngo arebe ko yakwigwizaho abakunzi akaba yanamucaho.

Guhangana mu bikorwa kw’aba bagabo gukunze kugaragarira cyane mu bihangano bakora no mu bikorwa byabo bya buri munsi.

Uku guhangana kongeye kwigaragaza kuri uyu wa 16 Mata 2021, ubwo Harmonize yacungaga uburyo uwahoze ari shebuja ahagaze neza muri iyi minsi kubera indirimbo ‘Waah’ yakoranye na Koffi Olomide.

Byatumye nawe yikoza muri Repubulika Iharanira Demokarasi ya Congo yiyamabaza Awilo Longomba uri mu bihangange by’umuziki wa Afurika kuri ubu bari gukorana indirimbo.

Abinyujije ku rukuta rwe rwa Instagram, Harmonize yagaragaye ari kumwe na Awilo Longomba muri Tanzania ndetse banajyana muri studio nubwo nta makuru arambuye ku mushinga w’indirimbo bari gukorana yigeze atangazwa.

Mu mashusho atandukanye Harmonize yasakaje ku mbuga nkoranyambaga, yagaragaje ko yishimiye guhura n’uyu muhanzi w’icyamamare ku mugabane wa Afurika no kuba bagiye gukorana.

Mu gace gato cyane k’amashusho basohoye Awilo Longomba ari muri studio, bumvikanaga nk’abagiye gusubiranamo indirimbo ‘Gate le coin’ yagize icyamamare uyu muhanzi wabiciye bigacika muri Afurika.

Kuva Harmonize yatandukana na ‘Wasafi Records’ ya Diamond Platnumz ntibacana uwaka, akiyisohokamo yahise afungura inzu ifasha abahanzi izwi ku izina rya ‘Konde Music World Wide’.

Nyuma y’uko Harmonize avuye muri Wasafi, yakurikiwe na Rayvanny nawe uherutse gusezera muri iyi nzu yatumye baba ibyamamare, kuri ubu Diamond Platnumz asigaranye abarimo Lava Lava na Mbosso.

Indirimbo ‘Gate le coin’ iri mu zatumye Awilo Longomba aba ikimenyabose

Harmonize niwe wabanje kugaragaza ko ari gukorana na Awilo Longomba
Harmonize yaciye bugufi aha icyubahiro Awilo Longomba
Harmonize na Awilo Longomba berekeje kuri studio
Mu modoka berekeje muri studio
Awilo Longomba ubwo yari mu Rwanda mu gitaramo yatumiwemo mu 2019
Harmonize ubwo yari i Kigali mu gitaramo yatumiwemo mu 2018

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .