R. Kelly yizihirije isabukuru muri gereza asaba abanzi be guceceka

Yanditswe na Uwiduhaye Theos
Kuya 10 Mutarama 2021 saa 03:23
Yasuwe :
0 0

Umuririmbyi Robert Sylvester Kelly wamamaye muri R&B, muri iki gihe uri muri gereza akurikiranyweho ibyaha byo gusambanya abakobwa n’abagore batandatu, yahizihirije isabukuru asaba abanzi be gufunga umunwa.

R Kelly wamamaye nk’umwe mu bahanzi bakoreraga umuziki muri Chicago, yizihije isabukuru y’imyaka 54 kuwa 8 Mutarama 2021. Yasangije abamukurikira kuri Instagram indirimbo ye yitwa ‘Shut up’ iri kuri album yise Black Panties.

Iyi ndirimbo yagiye hanze kuwa 10 Ugushyingo 2011, yayisangije abamukurikira asa nk’uyitura abantu bakomeje kumwibasira kubera ibyaha ari gushinjwa byo gufata abagore ku ngufu.

Amwe mu magambo agize amashusho yasangije abamukurikira harimo amagambo agira ati “Inkubiri y’ibinyoma bimeze nka Tsunami, byaje bishaka guhanagura urugendo rwanjye mu muziki nyuma y’imyaka 22 mfitemo umugisha. Ndetse ndabwira abantu bampamagara bambwira ibyo abandi bamvuzeho, bazana ibintu bibi[…] babwire baceceke, ndetse babwire, ni wowe ndi kuvugana nawe.”

Aya mashusho yashyize ku rukuta rwe, yayakurikije amagambo agira ati “Warakoze Mana, ku bw’ubuzima bwanjye.”

R. Kelly yashyize ubu butumwa ku rukuta rwe, nyuma y’umwaka umwe wari ushize asangije abamukurikira amashusho y’igitaramo. Aya mashusho nayo yayashyize ku rukuta rwe ubwo yizihizaga imyaka 53.

Mu rwego rwo kwirinda abashobora kumwiha, R Kelly yafunze ahatangirwa ibiterekezo kuri Instagram ye.

R. Kelly akurikiranyweho ibyaha byiganjemo ibyo gufata abagore ku ngufu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .