00:00:00 IGIHE NETWORK KN KINYARWANDA EN ENGLISH FR FRANCAIS

Rukundo yagiye guhatana muri Mister Africa

Yanditswe na Uwiduhaye Theos
Kuya 14 Nzeri 2021 saa 10:33
Yasuwe :
0 0

Dismas Rukundo usanzwe amurika imideli wigenga, yagiye guhagararira u Rwanda mu irushanwa rya Mister Africa International, rigiye kubera Abidjan muri Côte d’Ivoire.

Uyu musore yavuye mu Rwanda kuri uyu wa Mbere tariki 13 Nzeli. Yabwiye IGIHE ko ari ishema kuri we kuba agiye guhagararira igihugu kandi akaba yiteguye gukora uko ashoboye akitwara neza.

Ati “Ni ishema kuri njye kuba ngiye guhararira igihugu. Niteguye gukora iyo bwabaga. Ndasaba abanyarwanda kunshyigikira kuko biri mu bizantera imbaraga.”

Uyu musore mu bindi byiciro byabanje yagiye yitwara neza, muri iri rushanwa habanje gutora hifashishijwe Facebook aho bagenda bareba likes na comments umuntu yagize.

Mu itsinda rya Rukundo kuri Facebook yanikiye bagenzi be cyane ko yagize amajwi 567. Hakurikiyeho gutora kuri Instagram na bwo uyu musore aza mu b’imbere cyane ko yagize amajwi 879.

Mu cyiciro cyo kumuha amajwi yagize amajwi 1300 hateranyijwe amajwi yose yagize ku mbuga nkoranyambaga ahita agira amanota 15/20 yegukana umwanya wa kane.

Dismas Rukundo yavukiye mu Rwanda aba ari na ho akurira mu Karere ka Nyagatare mu Ntara y’Iburasirazuba. Ni umwana wa gatatu mu bana barindwi. Yize ibijyanye na ‘Tourism Management’ muri UTB.

Uyu musore ubusanzwe afite itsinda ry’abasore n’inkumi yahurije mu cyo yise Ubumwe Group aho bakora ibintu bitandukanye birimo ‘kuyobora’ ubukwe, inama n’ibindi birori.

Yatangiye ibijyanye no kumurika imideli mu 2016. Yitabiriye amarushanwa atandukanye arimo Miss & Mister Elegancy Rwanda ndetse yanitabiriye ishakisha ry’uwagombaga guhagararira u Rwanda muri Mister Supranational aho yari ahanganye n’abandi bo mu bindi bihugu bitandukanye ariko ntiyagira amahirwe yo gutsinda gusa agera muri barindwi ba nyuma. Yabaye igisonga cya mbere cya Mister UTB mu 2016.

Irushanwa rya Mister Africa International ahagarariyemo u Rwanda riri kuba ku nshuro ya cyenda.

Ni ku nshuro ya gatatu u Rwanda rwitabiriye irushanwa nk’iri nyuma ya Jean de Dieu Ntabanganyimana [Jay Rwanda] warigiyemo mu 2017 akaza no kwegukana ikamba ahigitse abandi basore b’intarumikwa bari bahanganye.

Ubwa mbere byari mu 2015 ubwo Turahirwa Moses washinze Moshions yabaga Igisonga cya mbere muri iri rushanwa.

Rukundo ahanganye n’abandi bagenzi be baturutse mu bihugu bitandukanye birimo Zimbabwe, Afurika y’Epfo, Liberia, Guinée Conakry, Benin, Tchad n’abandi.

Rukundo yiteguye kwitwara neza muri iri rushanwa
Rukundo ubwo yahagurukaga ku kibuga cy'indege
Rukundo yari afite akanyamuneza ku maso ubwo yahagurukaga mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .