00:00:00 IGIHE NETWORK KN KINYARWANDA EN ENGLISH FR FRANCAIS

Safi Madiba agiye gutaha

Yanditswe na Nsengiyumva Emmy
Kuya 21 May 2022 saa 06:25
Yasuwe :

Nyuma yo gusohora indirimbo nshya ‘I can’t lie to you,’ Safi Madiba ugiye kuzenguruka Canada na Leta Zunze Ubumwe za Amerika, yahishuye ko igihe icyo ari cyo cyose abakunzi b’umuziki we batungurwa no kumva ko agiye gukorera igitaramo mu Rwanda.

Ibi Safi Madiba yabigarutseho mu gihe ari mu myiteguro yo gukorera igitaramo mu Mujyi wa Edmonton ku wa 10 Kamena 2022.

Uyu muhanzi yabwiye IGIHE ko nyuma ya Edmonton azakurikizaho icya Vancouver mbere y’ibindi bibiri ateganya gukora muri Canada, akabona gutangira ibizenguruka Amerika.

Ati “Kugeza ubu hamaze kwemezwa bibiri ariko ndi gutegura ibitaramo birenze bibiri muri Canada, nkabona kwerekeza muri Amerika mbere y’uko nza i Kigali.”

Safi Madiba yahishuye ko akumbuye abafana be, ati “Ntakubeshye njye nkumbuye abafana banjye kandi ndabizi nabo barankumbuye si ukubeshya.”

Uyu muhanzi kandi yavuze ko intego nyamukuru izamucyura ari ugutaramira abakunzi be, ati “Sinavuga ngo nzaza ryari, gusa igihe cyose nabona impamvu ituma nza, by’umwihariko gutaramira abakunzi banjye, nta kabuza nahita nza kuko ndabakumbuye.”

Ibi Safi Madiba yabikomojeho ubwo yavugaga ku ndirimbo ye nshya ‘I can’t lie to you’ igaragaramo umukobwa witwa Chau Le, Umunyamideri ufite izina mu gukora Make Up.

Safi Madiba yahishuye ko akumbuye abakunzi be bo mu Rwanda
Mu ndirimbo ye nshya, Safi Madiba yifashishije umunyamideri w'umunya Canada Chau Le
Safi Madiba agiye gutangira gukora ibitaramo bizenguruka Leta Zunze Ubumwe za Amerika na Canada mbere yo gutaha mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .