Amalon wafashe amashusho y’indirimbo ye na Weasel yakoranye indi na Winnie Nwangi

Yanditswe na Nsengiyumva Emmy
Kuya 30 Ukwakira 2019 saa 06:58
Yasuwe :
0 0

Bizimana Amani wamamaye mu muziki nka Amalon ari muri Uganda aho ari mu mishinga irimo indirimbo yakoranye na Winnie Nwangi n’indi y’amashusho yahuriyemo na Weasel wo mu Itsinda rya Goodlyfe.

Amalon amaze iminsi muri Uganda aho yajyanye na Dj Pius bagiye gukorerayo indirimbo.

Amakuru agera kuri IGIHE ni uko Amalon yamaze gufata amashusho y’indirimbo yakoranye na Weasel mu minsi ishize ndetse akaba yaranahuje imbaraga na Winnie Nwangi mu yindi nshya.

Winnie Nwangi yatangiye umuziki nyuma yo kwitabira irushanwa ryitwa “Coca cola rated next” aho yabaye uwa kabiri ndetse icyo gihe ahita asinya amasezerano muri Swangz Avenue aho yasohoreye indirimbo nka "Embeera", "Katono Katono", "Gwenoonya" na "Kyowulila" ziri mu zatumye amenyekana muri Uganda.

Nta byinshi Amalon yifuje kuvuga kuri iyi ndirimbo ari gukorana na Winnie Nwangi, ariko ashimangira ko ari umushinga agikoraho cyane ko icyafashwe ari amajwi yayo mu gihe batarayifatira amashusho.

Ubuyobozi bwa 1K Entertainment bwavuze ko indirimbo Amalon ahuriyemo na Nwangi izatangazwa nyuma yo gusohora iyo yakoranye na Weasel, iheruka gufatirwa amashusho.

Dj Pius uri mu bayobozi ba 1K Entertainment yabwiye IGIHE ko ’Tuzabanza gushyira hanze indirimbo ya Amalon na Weasel kuko yo azava muri Uganda ayirangije’.

Aba bahanzi kandi bakomeje kureba niba hari ibindi bikorwa bya muzika bava muri Uganda bakoze igihe nikiramuka kibakundiye.

Yagize ati ”Turacyareba niba nta bindi bikorwa twakora hano mu gihe dusigaranye, hagize icyiyongeraho byanze bikunze twabamenyesha.”

Dj Pius wajyanye na Amalon na we kandi ntazatahira aho kuko kugeza ubu yamaze gukorana indirimbo na Karole Kasita bise “Yaka Remix”, iyi yanamaze kujya hanze.

Amalon ari mu bahagaze neza muri muzika y’u Rwanda, amaze kwamamara mu bihangano bitandukanye birimo ‘Yambi’, ‘Derila’ yafatanyije na Ally Soudy, ‘Madelina’, ‘Shaddy Boo’, ‘Byakubaho’, ‘Impanga’ n’izindi.

Yavukiye i Rubavu mu Ntara y’Iburengerazuba gusa ubu abarizwa mu Mujyi wa Kigali. Yasoreje amashuri yisumbuye muri Kagarama High School mu 2013.

Muri 2010 nibwo yatangiye kujya afasha abandi bahanzi agashyira ijwi rye mu ndirimbo zabo akabaha n’injyana kuko bamubonagamo ubwo buhanga.

Reba Amalon na Winnie Nwangi muri studio ubwo bakoranaga indirimbo

View this post on Instagram

@amalonrw ft @winnienwagi coming soon🌟🙏👍@deejaypius

A post shared by Emmy Rwanda (@emmy_rwanda_ikinege) on

Reba “Yaka remix” Dj Pius yakoranye na Karole Kasita

Amalon yamaze gufata amashusho y'indirimbo ahuriyemo na Weasel
Amalon yakoranye indirimbo na Winnie Nwangi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza