Umujyi wa Kigali ugiye kwakira Iserukiramuco ry’urwenya rizamara iminsi itatu

Yanditswe na Nsengiyumva Emmy
Kuya 2 Ugushyingo 2019 saa 10:26
Yasuwe :
0 0

Ikinyobwa cya Skol Lager gifite intego yo guteza imbere Abanyarwenya no gufasha Abanyarwanda guseka bakishima, gifatanyije na Comedy Knights cyateguye iserukiramuco ryitwa “Kigali International Comedy Festival” rigiye kuba ku nshuro ya gatatu.

Iri serukiramuco rizanye ibitaramo byiswe “Caravane du rire” bizabera mu Rwanda, i Burundi ndetse no muri Repubulika Iharanira Demokarasi ya Congo.

Muri iri serukiramuco hazaba ibitaramo byo gusetsa, mu mashuri ndetse n’ibikorwa byo gufasha.

Ibitaramo nyirizina bitegerejwe kuba ku bufatanye na Skol Lager guhera tariki 7 -9 Ugushyingo 2019, bizaba mu ndimi eshatu.

Igitaramo cya mbere kizaba tariki 7 Ugushyingo 2019 kwinjira bizaba ari n’ubuntu. Aha hakazataramira; Babu, Michael, Joshua, George,Clapton Kibonke, 5K na Japhet. Usibye aba ariko hazaba hari n’abandi bakizamuka nka; Fred, Kepha lee, Sam na Toussaint.

Tariki 8 Ugushyingo 2019 hazaba igitaramo cya kabiri kizaba mu Kinyarwanda n’Icyongereza hakazaba hari abanyarwenya nka; Clapton, Joshua, 5K ,Japhet, n’abandi benshi bo mu Rwanda. Hazaba hari umunya Kenya Oliver Otieno hakiyongeraho Lindy Johnson na TSI TSI Chiumya bazaba baturutse muri Afurika y’Epfo. Iki gitaramo kizayoborwa na Babou afatanyije na Michael.

Ku munsi wa nyuma w’iri serukiramuco tariki 9 Ugushyingo 2019 hazataramira abanyarwenya barimo; Michel Gohou wo muri Ivory Coast, Oumar Manet wo muri Guinee Conakry, Joyeux Bin Kabodjo uzaba aturutse muri Repubulika Iharanira Demokarasi ya Congo na Kigingi uzaba yaturutse i Burundi.

Umuntu wese uzagura itike kare, abanyeshuri bafite amakarita y’ishuri bazazibona ku mafaranga ibihumbi bibiri (2000FRW), mu myanya isanzwe bizaba ari amafaranga ibihumbi bitanu (5000FRW) na 20000FRW mu myanya y’icyubahiro ku gitaramo kimwe mu gihe abazareba ibitaramo bibiri bo bazishyura 35 000FRW.

Uzashaka kugura amatike ku muryango bazayabona kuri 5000 FRW igiciro cy’abanyeshuri bafite amakarita y’ishuri, 10 000FRW mu myanya isanzwe na 25000FRW mu myanya y’icyubahiro. Ibi bitaramo byo ku wa 8-9 Ugushyingo 2019 bikazabera mu ihema rya KCEV ahahoze hitwa Camp Kigali.

Ibi bitaramo byatewe inkunga na Skol Lager

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza