00:00:00 IGIHE NETWORK KN KINYARWANDA EN ENGLISH FR FRANCAIS

Umutoni Yvette uzwi muri Citymaid yashimangiye urukundo rwe na musaza wa Young Grace

Yanditswe na Nsengiyumva Emmy
Kuya 25 Ugushyingo 2021 saa 06:59
Yasuwe :
0 0

Umutoni Yvette umaze kubaka izina muri sinema y’u Rwanda, yashimangiye urukundo rwe na King Philosophe, uyu akaba ari musaza wa Young Grace.

Umutoni yafashe ifoto ari kumwe na King Philosophe ayishyira ku rukuta rwe rwa Instagram ayiherekeresha impine y’amagambo ‘Love of my life’, aho yashakaga kuvuga ko uyu musore ari urukundo rw’ubuzima bwe.

Ibi Umutoni abivuze mu gihe mu minsi ishize havugwaga inkuru z’uko urukundo rwabo rwatangiye kuzamo kidobya, nubwo nta gihamya y’uko batandukanye yigeze igaragara.

Bivugwa ko King Philosophe na Umutoni bari bamaze igihe kinini baziranye ariko urukundo rwabo baza kuruhamya mu ntangiriro z’uyu mwaka.

Umutoni usanzwe ari umukinnyi wa filime muri Citymaid yamenyekanye cyane no mu mashusho y’indirimbo nka Ndagukunda ya King James, Birarangiye ya Dream Boyz, Kora akazi ya Jules Sentore, Simparara ya Urban Boys n’izindi Nyinshi.

King Philosophe wabaye umuhanzi yifuza gutera ikirenge mu cya mushiki we ariko ntibimuhire, yaje kuyoboka iyo gufotora no gufata amashusho, kuri ubu niwe ukora akanatunganya amashusho y’indirimbo za Young Grace.

Umutoni yagaragaje ko ari mu rukundo na musaza wa Young Grace
Umutoni Yvette amaze kubaka izina muri sinema y'u Rwanda
King Philosophe musaza wa Young Grace wigaruriye umutima wa Umutoni Yvette

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .