Yvan Buravan umaze amezi arindwi adasohora indirimbo ahugiye mu biki?

Yanditswe na Nsengiyumva Emmy
Kuya 10 Mutarama 2021 saa 08:04
Yasuwe :
0 0

Benshi mu bakunzi b’umuziki bamaze iminsi bibaza ibyo umuhanzi Yvan Buravan ahugiyemo nyuma y’amezi arindwi adasohora indirimbo.

Ni ibintu bidasanzwe kuri uyu muhanzi uri mu bagezweho mu Rwanda bitewe n’ibihangano bye bikundwa na benshi mu rubyiruko.

IGIHE yaganiriye na Buravan, avuga ko amaze igihe ahuze ari mu mishinga itandukanye, gusa ahamya ko atibagiwe abakunzi b’umuziki we.

Yvan Buravan aheruka gusohora indirimbo ‘Low key’ tariki 5 Kamena 2020, bivuze ko amezi abaye arindwi uyu muhanzi nta gihangano gishya ahaye abakunzi be.

Mu kiganiro na IGIHE, Yvan Buravan yagize ati”Mu minsi ishize hari imishinga natangiye. Nagize amahirwe mba umwe mu bemerewe inkunga na Imbuto Foundation, nibyo mpugiyemo ariko ndabizi ko abakunzi banjye bantegereje kandi nanjye mfite ibyo kubaha.”

Umushinga we wo gutanga ubumenyi ku muco w’igihugu no guteza imbere ubuhanzi bufite imizi ya gakondo Nyarwanda, ni umwe mu yatoranyijwe na Imbuto Foundation ubwo hatangwaga inkunga yo gufasha abahanzi kwigobotora ingaruka COVID-19.

Yvan Buravan ahugiye mu mushinga wo kwigisha urubyiruko imbyino nyarwanda, amateka y’u Rwanda ndetse n’ubunyarwanda.

Usibye ibi ariko Yvan Buravan avuga ko anahugiye mu guhanga ibihangano by’umuco nyarwanda birimo kumenyekanisha imyenda itatse mu buryo bwa Kinyarwanda.

Uyu muhanzi yahamije ko afite ibihangano byinshi yiteguye gusangiza abakunzi be kuko abizi ko bamutegereje ari benshi.

Yvan Buravan mu 2018 yegukanye igihembo cya Prix Decouvertes cyamuhesheje amahirwe yo kuzenguruka no gutaramira mu bihugu bya Afurika bikoresha ururimi rw’Igifaransa.

Muri uwo mwaka wamubereye mwiza bikomeye, nibwo yamuritse Album ye ya mbere ari nayo aherutse “The Love Lab”.

’Low key’ indirimbo nshya Yvan Buravan aheruka gusohora

Yvan Buravan ari muri gahunda zo kwamamaza imyambaro igaragaza imitako ya kinyarwanda
Ibikubwe n'Ibitako imideri ya kinyarwanda Yvan Buravan amaze iminsi amenyekanisha
Yvan Buravan aherutse gutarama mu bitaramo bya Iwacu muzika festival

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .