00:00:00 IGIHE NETWORK KN KINYARWANDA EN ENGLISH FR FRANCAIS

Bruce Melodie yashimangiye ubuhanga bwe mu kuririmba by’umwimerere

Yanditswe na

Jean Paul Ibambe

Kuya 9 March 2014 saa 09:01
Yasuwe :

Mu gitaramo cyo kumurika album ye ya mbere yise “Ndumiwe’, cyabaye kuwa Gatandatu tariki 08 Werurwe 2014, Bruce Melodie yakoresheje imbaraga zidasanzwe, benshi bataha bemeza ko ari umwe mu bahanzi bashoboye kuririmba by’umwimerere.
Igitaramo cyatangiye gitinzeho gato kubera abantu batinze kucyitabira, abahanzi bose baririmbye mu buryo bw’umwimerere. Gusa uburyo Bruce Melodie yaririmbyemo, byerekanye ko ari ku rwego rushimishishje.
Mu bahanzi baririmbye muri iki gitaramo, hagaragayemo (...)

Mu gitaramo cyo kumurika album ye ya mbere yise “Ndumiwe’, cyabaye kuwa Gatandatu tariki 08 Werurwe 2014, Bruce Melodie yakoresheje imbaraga zidasanzwe, benshi bataha bemeza ko ari umwe mu bahanzi bashoboye kuririmba by’umwimerere.

Bruce Melodie yamuritse album ya mbere 'Ndumiwe'

Igitaramo cyatangiye gitinzeho gato kubera abantu batinze kucyitabira, abahanzi bose baririmbye mu buryo bw’umwimerere. Gusa uburyo Bruce Melodie yaririmbyemo, byerekanye ko ari ku rwego rushimishishje.

Mu bahanzi baririmbye muri iki gitaramo, hagaragayemo Trezzor, Fireman, Uncle Austin, Mico The Best, Mani Martin ndetse n’umunya Uganda Jamal, benshi muri bo bakaba babarizwa muri Label ya Super Level. Hagaragaye kandi abanyarwenya babiri, aribo Ambasaderi w’abakonsomateri na Nkusi Arthur.

Ubwo yari ku rubyiniro aririmba, Bruce Melody yavuze ko yishimiye kuba amuritse album ndetse anavuga ko yumva afite amarangamutima.

Bruce Melody akaba yaririmbye indirimbo ze zose ndetse anongeraho iz’abandi bahanzi, mu buryo budasanzwe aho agenda azivangavanga ukumva biryoheye amatwi.

Abaganiriye na IGIHE nyuma y’iki gitaramo, bavuze ko Bruce Melody yerekanye ko ari umuhanga mu kuririmba live.

Tuyishime wo mu kigero cy’imyaka 25 yagize ati: "Sinkunda kureba abahanzi bakizamuka kuko nikundira kureba Live music, ariko Bruce Melody yanshimishije ni umuhanga cyane, kandi n’ijwi rye riratyaye, abahanzi bamara umwanya ungana kuriya baririmba live si benshi mu Rwanda, wenda uretse ba Mani martin n’abandi mbarwa."

Amag The Black nawe aganira na IGIHE yavuze ko akunda Melodie nk’umuhanzi bakunze kuba bari kumwe ndetse basa nk’abazamukiye rimwe; ariko akanahamya ko azi kuririmba Live. ati: "Bruce Melody muraza kumubona, batamuhagaritse yaririmba akagera mu gitondo. Kuba amuritse Album biranshimishije cyane, afite album imwe njye mfite ebyiri...ni intambwe nziza ataye, ndishimye."

Umunya-Uganda Jamal ubwo yageraga ku rubyiniro, yatangaje ko yishimiye kongera kuririmbira Abanyarwanda, anatangaza ko mu mwaka wa 2006 yagerageje kuza gukorera muzika ye mu Rwanda bikanga agasubira muri Uganda. Uyu muhanzi yaririmbye indirimbo zitandukanye aza no kugaragara aririmbana ’Incwi’ na Bruce Melodie, bayikoranye.

Jamal wari waturutse muri Uganda.

Hari abahanzi Nyarwanda bari baje kureba uko Bruce Melodie amurika album. Muri bo harimo, King James, Knowless, Senderi, Amag The Black n’abandi.

Iki gitaramo cyateguwe na Super Level Bruce Melodie abarizwamo, cyari cyatewe inkunga na Cogebank, Konka n’uruganda rukora ifu y’ibigori Minimex, uru ruganda rukaba rwanakoze agashya aho buri muntu witabiriye iki gitaramo yatahanye ifu y’akahunga.

Amwe mu mafoto yo muri iki gitaramo:

Trezzor nibo bahanzi babimburiye abandi mu kuririmba.
Fireman nawe yaririmbye mu gitaramo cya Bruce Melodie
Mico The Best aririmba mu gitaramo cya Bruce Melodie
Mu Rwanda, abitabira ibitaramo bakomeje kugaragaraho kuza mu bitaramo batinze. N'ubwo saa kumi n'imwe abacuranzi n'abaririmbyi bari biteguye, abafana bo bari batarahagera.
MC Kate Gustave, umwe mu bayoboye ibi birori
Mani Martin aririmba mu gitaramo cyo kumurika album ya Bruce Melody
Ras kayaga hamwe na Kesho Band nabo bacuranze 'Maguru'
MC Kate Gustave, umwe mu bayoboye ibi birori
Bruce Melodie na Jamal baririmba 'incwi'
Bruce Melodie yaririmbanye ubuhanga muri iki gitaramo. Benshi banyuzwe n'imiririmbire ye.
Amag The Black na Bruce Melodie baririmbye indirimbo bakoranye bise: 'Turi mu ishuri'
Arthur Nkusi umwe mu bayoboye iki gitaramo, yanacishagamo agasetsa abari aho.

Amafoto: Faustin Nkurunziza
[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .