00:00:00 IGIHE NETWORK KN KINYARWANDA EN ENGLISH FR FRANCAIS

Tom Close yamaganiye kure ibivugwa ko yatandukanye n’umugore we

Yanditswe na

Elisha

Kuya 20 May 2014 saa 06:38
Yasuwe :

Umuhanzi akaba n’umuganga Muyombo Thomas uzwi cyane nka Tom Close yayinditse itangazo ryamaganira kure ibihuha bimaze iminsi bivugwa ko yaba yaratandukanye n’umugore we, Niyonshuti Ange Tricia basezeranye tariki 30 Ugushyingo 2013.
Abinyujije ku rubuga rwe rwa Facebook, Tom Close yanditse mu magambo akurikira:
ITANGAZO
Mwiriwe nshuti z’umuryango wa Muyombo Thomas namwe bafana ba Tom Close. Hari ibihuha ngira ngo nyomoze bimaze iminsi bihwihwiswa hirya no hino, abantu bakaba barimo (...)

Umuhanzi akaba n’umuganga Muyombo Thomas uzwi cyane nka Tom Close yayinditse itangazo ryamaganira kure ibihuha bimaze iminsi bivugwa ko yaba yaratandukanye n’umugore we, Niyonshuti Ange Tricia basezeranye tariki 30 Ugushyingo 2013.

Tom Close na Tricia bamaze hafi amezi 7 bashyingiranwe

Abinyujije ku rubuga rwe rwa Facebook, Tom Close yanditse mu magambo akurikira:

ITANGAZO

Mwiriwe nshuti z’umuryango wa Muyombo Thomas namwe bafana ba Tom Close. Hari ibihuha ngira ngo nyomoze bimaze iminsi bihwihwiswa hirya no hino, abantu bakaba barimo kubyibazaho byinshi.

Ibyo bihuha bivuga ko jye n’umugore wanjye twaba tugiye gutandukana, ndetse ibindi bikavuga ko yaba yaravuye mu rugo akagenda hari n’ibyo atwaye byanjye (Anyibye) n’ibindi byinshi bidafite ishingiro.

Nkaba ngira ngo mbabwire ko ibyaba bivugwa byose atari ukuri ndetse jye n’umufasha wanjye nta kibazo nakimwe umubano wacu ufite kugeza ubu.

Icyitonderwa:

1- Jye na madame twasezeranye ivanga mutungo rusange sinumva rero impamvu bavuga ko yatwara ibyanjye abyibye kandi amategeko abimuhaho uburenganzira bungana n’ubwanjye. Nta mpamvu rero numva abahwihwisa ko yanyibye bashingiraho mugihe agize n’icyo yakenera yagifata atarinze kucyiba.

2- Twakoze ubukwe ku itarike 30/11/2013, turi abantu kandi abantu babyarira amezi icyenda, abazi kubara nibafate calculatrice babare. Ababivuga nibaramuka basanze baribeshe bazibuke basabe imbabazi.

3- Aba star ni abantu kimwe n’abandi, hari ingo nyinshi zibanye neza ndetse zikundanye, haba mu byiza cyangwa mu bibi, Urugo rwanjye na Tricia Ange Niyoncuti murubare muri izo rero zibanye neza.

4. Simbasabye gutegereza gutandukana kwacu, ahubwo mbasabye gutegereza kutubona tubyara, dushyingira, twuzukuruza, wenda gutandukanywa n’urupfu byo daa!

5. Nakoze ubukwe mbanje kubitekerezaho, sinari nirengagije ko na options zindi zihari. Ababa bihishe inyuma y’ibyo bihuha rero nabasaba gusubiza amerwe mu isaho kuko ibyifuzo byabo bidateze kuba.

Si ubwa mbere amagambo ahwihwishije kuri Tom Close, kuko

1. Nkiri umunyeshuri muri UNR/UR bavuze ko nirukanywe muri kaminuza, ariko ababashije kwihangana bakareka iminsi ikavuga babonye ko narangije kamimuza ndetse nabaye umuganga.

2. Hari abavuga ko naretse umuziki, kubera akazi kubuganga nkora, nabo nkaba nababwira nti, umuziki ni impano yanjye, imwe muri nyinshi mfite nubu nkaba mfite ibikorwa byinshi biza kubageraho mu minsi itari iya kera birimo n’indirimbo ISI nashyize hanze.

Hari byinshi byagiye bimvugwaho, ariko burya Iminsi ubwayo niwo mugabo ugaragaza ukuri kw’ibivugwa.

Abafana banjye ndetse nabakunzi b’umuryango wanjye mbashimiye uburyo mwagiye mutuba hafi. Mbasaba namwe kwamagana ibi bihiha ndetse mbamara impungenge izo arizo zose mwaterwa nabyo.

Mbifurije Gutera imbere muri byose.

Murakoze


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .