00:00:00 IGIHE NETWORK KN KINYARWANDA EN ENGLISH FR FRANCAIS

Umwihariko wa The Octagons, itsinda rishya mu muziki rije kuziba icyuho muri Hip hop

Yanditswe na Uwiduhaye Theos
Kuya 1 Ugushyingo 2020 saa 04:58
Yasuwe :
0 0

Nsengimana Rukundo Christian [Chriss Eazy] na Hatangimana Anani [Aobeats] ni abasore bagize itsinda riri kwitwara neza mu gisekuru kiri kuzamuka muri Hip hop muri iki gihe.

Aba basore uko ari babiri; Chriss Eazy ni umuraperi, agakora filime mu gihe AoBeats ari umuririmbyi ndetse n’umu-producer utunganya indirimbo zitandukanye.

Chriss Eazy yabwiye IGIHE ko yahuye na mugenzi we mu 2018 bahuriye ku ishuri.

Yagize ati “Twahuye mu 2018 duhuriye ku ishuri kuri APACE aho njyewe niga ari naho AoBeats yize. Twatangiye gukorana icyo gihe.”

Arongera ati “Nyuma yo kuba turi itsinda hazamo n’ubuvandimwe ndetse no guhuza cyane ko dufite umwihariko wacu kuko ahanini ibihangano byacu nitwe tubyikorera mu buryo bwamajwi n’amashusho kuko njye nkora amashusho mfatanyije n’itsinda dukorana abinyujije muri “Eazy Filmz” ndetse na AoBeats agakora amajwi y’indirimbo.”

Bavuga ko bitandukanye n’andi matsinda yagiye abaho agasenyuka kubera ubwumvikane buke, bo bitazabaho kuko buri wese azi icyo agomba gukora ikindi bakaba bahuza cyane ku buryo bigoye ko batandukana.

Chriss Eazy yavuze ko intego yabo ari ukugera kure hashoboka, ati “Intego yacu nta yindi ni ukugera kure heza ndetse no gutungwa n’ibyo dukora tubikesha gukora cyane no kwizera.”

Aba basore bamaze gukorana indirimbo zitandukanye zirimo ‘Ese Urabizi’, ‘Cyimpe’, ‘Ibyose Nibiki’, ‘Fimbo’, ‘Tegereza’, ‘Kumunsi wa nyuma’, ‘Hateless’, ‘Yallah’ n’izindi.

-  Reba indirimbo aba basore baheruka gushyira hanze bise ‘Uziko usetsa’

AoBeats asanzwe atunganya indirimbo
Chriss Eazy ni umwe mu basore bagize itsinda rya Octagons riri kuzamuka neza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .