00:00:00 IGIHE NETWORK KN KINYARWANDA EN ENGLISH FR FRANCAIS

Yeong-su wamenyekanye muri ‘Squid Game’ yanditse amateka muri Golden Globe Awards

Yanditswe na Uwiduhaye Theos
Kuya 11 January 2022 saa 01:38
Yasuwe :

Umukambwe w’imyaka 77, O Yeong-su wo muri Koreya y’Epfo wamenyekanye cyane ku isi kubera filime ya “Squid Game”, yabaye umukinnyi wa filime wa mbere wo mu gihugu akomokamo wegukanye igihembo cya Golden Globe.

Uyu musaza yamenyekanye muri iyi filime ica kuri Netflix yitwa Oh II-nam cyangwa se umukinnyi 001.

Yatsinze mu itangwa ry’ibi bihembo abarimo Billy Crudup na Mark Duplass bamenyekanye muri “The Morning Show”, Kieran Culkin wo muri “Succession” na Brett Goldstein wo muri “Ted Lasso”.

Uyu musaza yahawe igihembo cya Best Supporting Actor cyangwa igihembo cy’umukinnyi utari uw’imena witwaye neza muri filime yakinnyemo.

Abatwaye ibihembo muri Golden Globe batangarijwe mu muhezo kuko nta n’umwe mu bari bahatanye wigeze agera aho byatangiwe kubera ingamba zo kwirinda COVID-19.

Intsinzi y’uyu mukambwe yabaye iya mbere ku munya-Koreya ukina filime ubashije gutwara igihembo muri Golden Globe.

O Yeong-su nyuma yo kwegukana igihembo yabwiye imwe muri televiziyo z’iwabo ko byamurenze.

Ati “Ndumva meze nk’uri gutembera mu kirere. Byatumye ntekereza ko nkwiriye kwiyumanganya, nkashyira ku murongo ibitekerezo byanjye nkongera nkagaruka mu buzima busanzwe. Birakomeye kuri njye kubera telefone ziri kumpamagaraga ndetse n’ubutumwa ndi kwakira.”

Uyu musaza umwaka ibihembo bya Golden Globe byatangiye gutangirwamo wo mu 1944 niwo nawe yavutsemo.

O Yeong-su yagaragaye muri filime nyinshi zitandukanye guhera mu 1963. Yakinnye mu zirimo “Spring, Summer, Fall, Winter... and Spring” n’izindi.

‘Squid Game’ yamuhesheje igihembo cya Golden Globe yarakunzwe cyane kuva yajya hanze muri Nzeri 2021 ndetse yarebwe na miliyoni zirenga 100 ku Isi yose , ibintu byatumye yandika amateka kuri Netflix.

Ivuga ku bantu 456 bafite amadeni menshi bashaka kwishyura bajyanwa mu gace batazi.

Batangira gukina imikino itandukanye utsinzwe bakamwica. Aba bakinnyi baba barinzwe n’abantu bambaye mask mu maso ku buryo umuntu atamenya amasura yabo.

‘Squid Game’ yanditswe na Hwang Dong-hyuk guhera mu 2008 aba ari na we uyiyobora.

Iyi filime kuva yajya hanze yabaye iya mbere mu bihugu 94 ku Isi yose ndetse yabaye iya mbere yo muri Koreya y’Epfo yarebwe cyane muri Amerika.

Ibihembo bya Golden Globe byatangiye gutangwa ku wa 20 Mutarama 1944. Bitangirwa muri Leta Zunze Ubumwe za Amerika.

Reba urutonde rwose rw’abegukanye ibihembo bya Golden Globe:

O Yeong su yashimishije benshi muri Squid Game
Uyu musaza yanditse amateka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .