Tanzania: Abantu 20 baguye mu mubyigano wabereye mu rusengero

Yanditswe na Twarabanye Venuste
Kuya 3 Gashyantare 2020 saa 01:50
Yasuwe :
0 0

Nibura abantu 20 bo muri Tanzania nibo baguye muvundo wabereye mu giterane ku mu Majyaruguru y’icyo gihugu, nyuma y’uko uwabwirizaga asutse hasi amavuta yise ko yera, abantu bakabyiganira kuyakoramo bizeye gukira indwara zitandukanye.

Nyuma y’igiterane cyabaye kuri iki Cyumweru, Umuyobozi w’umujyi wa Moshi uherereye mu Majyaruguru ya Tanzania ibyo byabereyemo, Kippi Warioba, yavuze ko atewe impungenge n’uko umubare w’abapfuye ushobora gukomeza kwiyongera biturutse kuri uwo mubyigano.

Ati “Kugeza ubu abantu 20 bapfuye ariko imibare ishobora kwiyongera kuko hari abakomeretse.” Abakomeretse habarurwa 16.

Ibyo byago byabaye ubwo abantu benshi bari bitabiriye igiterane cyayobowe n’umupasiteri ukunzwe cyane muri icyo gihugu, Boniface Mwamposa, uyoboye itorero Arise and Shine Ministry ryo muri Tanzania.

Jennifer Temu wari muri ayo materaniro yabwiye Ibiro Ntaramakuru by’Abafaransa, AFP, ko ikibazo cyaje kuvuka ubwo Mwamposa wiyita intumwa y’Imana, "Apôtre", yasukaga ibyo yise amavuta yera hasi abantu bakabyiganira kuyakoramo.

Mwamposa yahise ahunga. Umuyobozi wa Polisi muri icyo gihugu Simon Sirro wemeje ko hapfuye abantu 20 mu kiganiro kuri Televisiyo y’igihugu muri Tanzania, TBC1, yasabye Mwamposa kwishyikiriza Polisi kuko ari umuntu uzwi, ntaho yacikira.

Yavuze ko Polisi igiye kureba uburyo amadini n’amatorero ategura amateraniro arimo abantu benshi.

Perezida John Magufuli na we yavuze ko ababajwe n’abantu 20 baguye i Moshi ndetse n’abandi 20 bahitanywe n’imyuzure mu Majyepfo ya Tanzania, mu Karere ka Lindi mu cyumweru gishize.

Uyu mugabo yamennye amavuta hasi abakirisitu bagwirirana bajya kuyakoramo, 20 barapfa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .