Aline Gahongayire yateguye umugoroba wo kuganira n’abakobwa

Yanditswe na Uwiduhaye Theos
Kuya 18 Ukwakira 2019 saa 02:02
Yasuwe :
0 0

Aline Gahongayire yateguye umugoroba ateganya kuzahura n’abakobwa n’abandi b’igitsinagore bakaganira bisanzuye.

Muri iki gikorwa yise Meet & Talk azahura n’abari hagati y’imyaka 18 na 30, kizaba ku wa 27 Ukwakira 2019.

Aline Gahongayire wamenyekanye mu ndirimbo zitandukanye nka Hari impamvu pe, Iyabivuze, Ndanyuzwe, Warampishe, Nta banga n’izindi yabwiye IGIHE ko ari ubwa mbere azaba akoze igikorwa nk’iki.

Ati “Uyu mugoroba ni ubwa mbere uzaba ukozwe nanjye. Nawutekereje cyane cyane biturutse ku busabe bw’abantu benshi bifuzaga ko duhura tukaganira.”

Avuga ko aho iki gikorwa kizabera atahatangaza ubu kuko hazamenyeshwa abiyandikishije gusa, ngo hari umubare ntarengwa ndetse abantu barenga 80% bamaze kwiyandikisha.

Avuga ko uyu mugoroba azaba ari umwanya mwiza ku bakobwa n’abagore bamukunda kandi bifuza guhura no kuganira nawe.

Gahongayire yagiye agaragara mu bikorwa by’ubugiraneza, gufasha abatishoboye, imiryango itandukanye biciye mu muryango abereye umuyobozi ariwo Ineza Foundation.

Aline Gahongayire wamenyakanye mu ndirimbo zitandukanye nka Hari impamvu pe , Iyabivuze, Ndanyuzwe, Warampishe, Nta banga n’izindi yabwiye IGIHE ko ari ubwa mbere azaba akoze igikorwa nk’iki
Abantu barenga 80 % bamaze kwiyandikisha

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza