Ntiwiyahure, Imana ishaka kuguha ubuzima bushya

Yanditswe na Urinzwenimana Mike
Kuya 10 Mutarama 2021 saa 11:58
Yasuwe :
0 0

Ahanini kwiyahura bituruka ku bitekerezo byo kwiburira icyizere, gutakaza ibyiringiro kuburyo umuntu uri mu bihe nk’ibi aba ashobora gufata icyemezo kigayitse cyo gushyira iherezo ku buzima bwe.

Ushobora gucyeka ko uri mu rwobo rurerure cyane rusumba izindi nzobo, ikindi nta cyizere ufite y’uko ibintu bizagenda neza. Wumva nta muntu n’umwe ukwitayeho cyangwa witaye kumenya ibihe urimo, ubona ubuzima ntacyo bumaze.

Hari ubwo inkovu z’ibikomere bya kera, zaba zarakugizeho ingaruka zigatuma wumva umutima wawe ugutera gutera Imana umugongo no kuyivaho. Ibi bidutera kumva twifitiye impuhwe, umujinya, ubusharire, ibitekerezo byo kwihorera, cyangwa ubwoba bw’uburwayi bwaduteje ibibazo.

Ikibazo cyo kwiyahura kigenda gifata intera uko iminsi ishira. Ubushakashatsi bwakozwe bugaragaza ko nta kigero cy’abantu kitarimo iki kibazo, mu bana bato, mu basore n’inkumi, mu bubatse ingo ndetse no mu bakecuru n’abasaza usanga hose hari iki kibazo.

Imibare igagagazwa n’ikigo cy’igihugu cy’ibarurishamibare mu Rwanda mu 2018, kivuga ko abiyahuye mu 2013 bari 24, mu 2014 hiyahura 10, mu 2015 hiyahura 24, mu 2016 hiyahura 22, naho mu 2017 hiyahuye 10.

Aba ni abiyahura bikamenyekana ko biyahuye bakabarurwa, gusa ibibanziriza kwiyahura byinshi biba mu ibanga.

Hariho impamvu nyinshi zitera kwiyahura

Benshi bagira igitekerezo cyo kwiyahura wenda babitewe n’indwara bafite bazi ko zitazakira, imibereho itari myiza y’umuryango, amakimbirane mubo babana, byose bigatuma umuntu abona ko kubaho ntacyo bimumariye birutwa no gupfa.

Ariko se ni iki wakora mu gihe wumva ibyo bitekerezo bibi byuzuye umutima wawe?

Nibyo koko urababaye ndetse agahinda ufite karumvikana ariko hariho ikintu kimwe ukwiriye gutekereza: Hariho umuntu ugukunda, ukumva kuruta abandi, ukwihanganira mu ntege nke zawe, wumva neza amarangamutima yawe akamenya n’umubabaro wawe!

Imana ifitiye umuti ikibazo cyawe ndetse n’igisubizo ku buribwe ufite, Imana ishobora gukiza umutima wawe washenjaguritse, mbese wakwemera kongera gutangirana urugendo nayo? Nta kibazo na kimwe kitagira igisubizo kandi igisubizo ni Yesu.

Humura ntabwo byakurangiriyeho ahubwo uyu munsi atura ko ubuzima butangiye, Yesu aragukunda cyane!

“Uzi imyicarire yanjye n’imihagurukire yanjye, Umenyera kure ibyo nibwira. Ujya urondora imigendere yanjye n’imiryamire, uzi inzira zanjye zose. Kuko ijambo ritaraba mu rurimi rwanjye, Uba umaze kurimenya rwose, Uwiteka. Ungose inyuma n’imbere, Unshyizeho ukuboko kwawe” Zaburi 139:2

Niba wifuza kwizera Yesu Kristo nk’Umucunguzi wawe, subiramo aya magambo mu mutima wawe ubwira Imana uti: “Mwami Yesu , numvise ijwi ryawe mu mutima wajye ,ndemera ko ndi umunyabyaha ariko ndizeye imbabazi zawe. Ndagusabye ngo umbabarire ibyaha byanjye byose, ndakwizeye, nkinguye umutima wajye ngwino ube muri njye.

Nijeje umutima wanjye kandi natuye ko uri umwami. Ngwino umbere umwami n’umukiza w’ubugingo bwajye . Uhereye uyu munsi ndakijijwe , ndakwizeye ko ari wowe wenyine nzira yangeza mu mahoro yuzuye . Urakoze kumbabarira , umpe Mwuka Wera kugira ngo anyobore uhereye uyu munsi . AMEN"

Ukeneye ubundi bufasha watwandikira kuri [email protected]

Ubuntu bw’umwami wacu Yesu Kristo bubane namwe mwese,
Yari mwene so, Urinzwenimana Mike

Ibibazo byose Yesu abasha kubishakira igusubizo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .