Ifoto y’Umunsi: Harerimana Jonas yarokowe n’Inkotanyi afite imyaka 10

Yanditswe na IGIHE

“Twebwe turi Inkotanyi’’, aya ni amagambo y’ihumure yabwiwe Harerimana Jonas ubwo abasirikare ba FPR Inkotanyi bamurokoraga ubuzima bwe buri mu kaga kuko ari mu bahigwaga n’Interahamwe.

Ifoto ya Harerimana igaragaza umusirikare wa RPA amufashe ukuboko amukura ahantu yari yihishe mu gihuru, kiri hafi y’ahari haracukuwe ibyobo byo kujugunyamo Abatutsi i Nyamata mu Karere ka Bugesera.

Mu kubara iyo nkuru, agira ati “Nabuze umwifato, sinari kurira. Narize ngeze i Nyamata ntangiye kubona abaturanyi.’’

Harerimana ni we wenyine warokotse mu muryango we. Urugendo rwe rwo gukira ibikomere yarufashijwemo ahanini no gukina umupira w’amaguru ariko nk’utarabigize umwuga.

Mu gushima Inkotanyi zamurokoye avuga ko ‘ari imibereho myiza’.

Yakomeje ati ‘‘Inkotanyi iyo mvuze ko ari imibereho myiza, mbikesha uwo ndi we aka kanya. Ndavuga nti zinkura hariya, uwambonye hariya, nanjye uko nibonaga, nabonaga ntazaba umuntu, nabonaga nsigaje gushiramo umwuka. Kubona nezerewe, ndi gukorera igihugu cyanjye, mpita mvuga ko Inkotanyi ari ubuzima.’’

Harerimana ni umugabo utuye mu Murenge wa Masaka mu Karere ka Kicukiro, afite umugore n’abana batatu.

Harerimana Jonas yarokowe n’Inkotanyi afite imyaka 10. Ubu ni umugabo uhamya ko yahinduriwe ubuzima bukaba bushya

IZINDI NKURU

Ishimwe rya Nduwayesu warokowe n’Inkotanyi muri gereza ya Ruhengeri, habura amasaha make ngo yicwe

+Soma Inkuru

U Rwanda nyuma yo Kwibohora, impanuro ku rubyiruko n’abashaka gukirira muri Leta -Ikiganiro na Protais Musoni

+Soma Inkuru

Tumaze kongera kubaka igihugu cyacu twese kitari icya bamwe- Perezida Kagame

+Soma Inkuru

IBITEKEREZO

  • mugisha

    4-07-2020 à 00:07

    Ntawabona uko azishimira.uzikubona ibishugi bitema abantu nkutema ibihuru bagatwikira abantu murusengero babyina baduhiga nimbwa bica impinja abagore abagabo abasaza abakecuru ugasigara uri nyakamwe ntagicumuro nakimwe ufite mwasangiraga mukabakamira sha njye sinzi uko nabivuga gusa nubwo bihagararaho mabwa ntawarikubona icyo abakorera gusa,Imana ninyampuhwe nimbabazi none turashakana tugasangira twongeye kubabona nkabantu nigitangaza gusa turiho ntawamara abantu kuba arukwigora narinziko ntamutsi uzarokoka pe.

  • apotre

    4-07-2020 à 01:42

    ZARAKOZE IZ’AMARERE N’UBWO KINANI YISHE BENSHI ARIKO NTIYABAMAZE, NTEKEREZA KO K’UBWE YASHAKAGA KUMARAHO, NTABWO BYAMUSHOBOKEYE. IKIBABAJE N’UKO BAKIREKEREJE BASHAKA GUHUMBAHUMBA N’ABASIGAYE; URUGERO NI EJOBUNDI MU KARERE KA NYARUGURU ZIRIYA NKORAMARASO IKIZISHIMISHA N’UKUVUSHA AMARASO NO KUBONA IMFUBYI. ABAGIFITE BENE IZO NTEKEREZO NABASABA KUZA TUGAFATANYA KUBAKA URWANDA MU BUMWE N’AMAHORO.

Andika igitekerezo