Umuntu ukekwaho Coronavirus yashyizwe mu kato muri Kenya

Yanditswe na IGIHE
Kuya 28 Mutarama 2020 saa 12:29
Yasuwe :
0 0

Ubuyobozi bw’ikigo cy’indege cya Kenya Airways bwatangaje ko hari umuntu washyizwe mu kato mu bitaro bya Kenyatta National Hospital (KNH), avuye Guangzhou mu Bushinwa ariko akagaragaraho ibimenyetso by’ibicurane.

Ni mu gihe u Bushinwa bwagarayemo icyorezo cya Coronavirus, gifatwa nk’indwara y’ubuhumekero ishobora gukurizamo umusonga.

Itangazp rya Kenya Airways rivuga ko uwo mugenzi yageze i Nairobi kuri uyu wa Kabiri avuye i Guangzhou.

Rikomeza riti “Icyemezo cyo kumushyira mu kato cyemeranyijweho na Guverinoma ya Kenya ku kibuga cy’Indege cya JKIA,”

Amakuru avuga ko uyu muntu yari yemerewe gusubira iwabo n’ubuyobozi bw’u Bushinwa, ku kibuga mpuzamahanga cy’indege cya Baiyun i Guangzhou.

Kenya Airways yatangaje ko ubu no kujya mu ndege birimo gusaba ko umunrtu abanza kugenzurwa, kugira ngo ataza kugira abyo yanduza aramutse afite coronavirus.

Imibare y’abahitanywe na coronavirus ukomeje kwiyongera aho bageze ku 106, ndetse umubare w’abayanduye wikubye inshuro hafi ebyiri mu munsi umwe gusa, nk’uko ubuyobozi bw’u Bushinwa bwabitangaje.

Iyi ndwara yamaze kugera mu bihugu bitandukanye birimo ibyo muri Aziya, u Burayi na Cote d’ivoire muri Afurika hari umuntu wayiketsweho.

Umubare w’abantu bari bamaze kwandura iyi virusi ifata imyanya y’ubuhumekero bikavamo umusonga, mu Bushinwa kuri uyu wa Mbere habarurwaga 4.515 bavuye ku 2.835 ku munsi wabanje.

Umuntu waketsweho coronavirus yajyanwe muri Kenyatta National Hospital

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .