Ndiio, ihahiro rishya ryo kuri internet rigiye kubera igisubizo benshi

Yanditswe na Uwiduhaye Theos
Kuya 6 Ugushyingo 2019 saa 03:58
Yasuwe :
0 0

Nta washidikanya ko uko ikoranabuhanga rikataza ariko ubuzima mu ngeri zose bugenda bworoshywa na ryo, bigatuma umuntu uri i Rusizi aganiriza uri i Nyagatare, cyangwa se uri mu Rwanda akaganira n’uwibereye muri Amerika bameze nk’aho bari kumwe.

Bihera ku kuba igiciro cyo kujya kuri internet mu Rwanda kidakosha ugereranyije n’ibihugu byinshi muri Afurika.

Sibyo gusa, kuko ubu benshi ntabwo bacyirirwa biruka mu masoko bajya guhaha ahubwo umuntu ashobora kwifashisha imbuga zitandukanye zikora nk’isoko akaba yabasha kubona ikintu cyose yifuza byoroshye kandi atavuye aho ari ngo agire ibintu bimwe yari gukora bipfa.

Ku bahahira kuri murandasi nta wahirahira yemeza ko atari kimwe mu byoroheje ubuhahirane bwo mu gihugu imbere no hanze yacyo.

Ubu mu Rwanda habarirwa imbuga nyinshi zitanga serivisi nk’iyi bigafasha benshi gukomeza kunoza ibyo bakora kandi bakanihahira nk’abageze ku isoko ryaremye ahantu runaka.

Isoko ryo kuri murandasi si nk’ayandi ryo usanga rikora amasaha yose ku buryo ushatse ikintu nijoro wahita ugitumiza kikaza kukugeraho byoroshye.

Www.Ndiio.com yaje kuba igisubizo cya bamwe ku bibazo bajya bahura nabyo bashaka kwihahira ibikoresho bitandukanye birimo ibitabo, ibikoresho byo mu gikoni, imibavu, ibikoresho by’ikoranabuhanga nka telefoni ndetse na mudasobwa, ibikoresho byifashishwa ku bashaka gukora siporo, camera, ibikoresho bya Make-up, protein n’ibindi.

Kayitare Moussa ushinzwe kwamamaza ibicuruzwa kuri Ww.Ndiio.com, yabwiye IGIHE ko baje ku isoko babona hari bamwe bahendwa kandi baba baguze ibintu bimwe ntibibagerereho igihe.

Ati “Ibiciro byacu biri hasi cyane. Tugerageza gukorana n’amasoko menshi cyane ku buryo niyo utubwiye ikintu tugasanga ntakikiri mu bubiko tukikugezaho mu minsi itatu gusa. Ikindi umuntu aho yaba ari hose mu Rwanda tumugezaho ikintu yaguze mu gihe kitarenze umunsi umwe.”

Www.ndiio.com yatangiye gukora guhera mu 2018. Ikorera kuri internet ariko inafite ububiko bw’ibyo icuruza. Kwishyura ikintu cyaguzwe kuri uru rubuga hakoreshwa MTN Mobile Money, kwishyura igicuruzwa kikugezeho cyangwa ugakoresha konti ya banki. Wabahamagara kuri izi nimero 0789815356, 0788800791.

Kayitare Moussa ushinzwe kwamamaza ibicuruzwa kuri Ndiio, yabwiye IGIHE ko baje ku isoko babona hari bamwe bahendwa kandi baba baguze ibintu bimwe ntibibagerereho igihe
Mu gihe uguriye kuri Ndiio aho waba uri hose mu gihugu bakugezaho igicuruzwa cyawe mu gihe kitarenze umunsi umwe
Ndiio, ihahiro rishya ryo kuri internet rigiye kubera igisubizo benshi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza