Mango Telecom yakoze igabanuka ridasanzwe ku biciro bya internet

Mango Telecom Rwanda yagabanyije ibiciro bya internet ya 4G imara ukwezi mu rwego rwo korohereza abantu muri iki gihe cya COVID-19.

Guhera ku wa 10 Gicurasi 2020 ibiciro bya internet 4G ya Mango imara ukwezi, byagabanyijwe muri poromosiyo yiswe ‘Agahebuzo’ izarangira ku wa 9 Kanama 2020.

Internet ya 5GB (Gigabyte eshanu) yaguraga 11 000 Frw yagabanyirijwe igiciro ishyirwa ku 3500 Frw naho 10 GB zaguraga 17000 Frw zishyirwa ku 5500 Frw.

Hari kandi 30GB zaguraga 52 000 Frw ziri kugura 16 000 Frw na 50GB zashyizwe ku 26000 Frw zose zizajya zikoreshwa ubudahagarara, zashira umukiliya akagura izindi.

Ushaka kugura internet yahisemo bitewe n’ibyo ashaka gukora, anyura kuri application ya Mango Telecom Rwanda yitwa LTE RWA anyuze kuri Playstore cyangwa akagana amaduka ya Mango 4G no ku bayihagarariye hirya no hino mu gihugu.

Kugira ngo umuntu amenye iduka rya ‘Mango Telecom’ rimwegereye ashakisha ‘Mango 4G service center’ kuri Google map, akabona amaduka yose agahitamo ahamubera hafi.

Mango Telecom yanatangaje ko abashaka kugezwaho Sim Card na internet aho baherereye, banyura ku rubuga yabashyiriyeho rwitwa deliver.mangotelecom.rw bagasaba iyo Serivisi.

Kuva icyorezo cya Coronavirus kigaragaye mu mpera za 2019 ikoranabuhanga ririmo irikenera internet rikomeje kwimakazwa.

Iyo poromosiyo yashyizweho kugira ngo ifashe abantu muri ibi bihe harimo n’abanyeshuri bagomba gukomeza kwihugura no gukora ubushakashatsi kugeza amashuri yongeye gukomeza.

Ukeneye kuvugana n’abakozi ba Mango Telecom akoresha umurongo utishyurwa (Hotline) 2550 cyangwa telefoni 0786 666 666 cyangwa akabandikira ku mbuga nkoranyambaga zabo zose ashakishije ’Mango Telecom Rwanda’.


Special pages
. . . . . .