Tomtransfers, icyitegererezo mu gutanga amacumbi meza, gukodesha imodoka no kuzicuruza mu Rwanda

Uko bwije n’uko bukeye, u Rwanda rugenda rutera imbere ndetse n’abarusura bakiyongera umunsi ku munsi, ibyo bigaha amahirwe abarutuye.

Mu rwego rwo kwakira neza aba bashyitsi basura u Rwanda, Ikigo TomTranfers, cyashyizeho uburyo bwo kubona amacumbi (Apartments) n’imodoka zo kugendamo.

TomTransfers iherereye mu Murenge wa Niboye mu Karere ka Kicukiro, ikaba isanzwe itanga serivisi zifasha abantu kubona amacumbi (apartments) ndetse n’imodoka z’ubwoko butandukanye.

Izi serivisi kandi uzisanga mu bice bitandukanye by’igihugu aho bafiteyo amacumbi, imodoka ndetse n’abakozi babafasha.

Umuyobozi Mukuru wa TomTranfers, Munyaneza Tom, yabwiye IGIHE ko bafite umwihariko wo gufata neza Abanyarwanda ndetse n’abandi bashaka izi serivisi kuko mu gihe bari mu macumbi bahabwa ibikenewe byose udasize n’umukozi ubafasha imirimo.

Ati ”Serivisi dutanga iyo uri mu macumbi tuguha irimo ibikoresho byose uzakenera ndetse n’umukozi ugufasha ufite imico myiza, tukakwishyurira umuriro, amazi, ni ukuvuga ngo uzana igikapu cyawe cyonyine.”

“Ibijyanye n’imodoka tuguha imodoka ku giciro cyiza kandi iyo ugize ikibazo mu nzira aho waba aho uri hose dufite abakanishi buri Karere bagusanga bakagufasha byihuse gahunda zawe ntizipfe kandi yaba yagize ikibazo gikomeye bakaguha indi.”

Raporo igaragaza imiterere y’umurimo mu Rwanda hagati ya Gashyantare na Gicurasi 2020, yakozwe n’Ikigo cy’Igihugu cy’Ibarurishamibare mu Rwanda (NISR) ishimangira ko igipimo cy’ubushomeri cyari kuri 13.1 muri Gashyantare cyazamutse kikagera kuri 22.1% muri Gicurasi. Ni imibare igaragara ko iri hejuru.

Munyaneza avuga ko mu gukora izi serivisi bari bafite intego yo gufasha umubare munini w’urubyiruko rudafite akazi, aho kugeza ubu mu myaka itatu ishize atangiye gutanga izi serivisi abarenga 20 bamaze guhabwa akazi.

Ati ”Intego dufite ni ukugabanya ubushomeri, ubu tumaze kugira abakozi bafite akazi gahoraho ni 20 hakaba nabo duha ibiraka badafite amasezerano y’akazi nabo bakabakaba 20 .Rero intego dufite ni gutanga akazi kandi natwe tukiyubaka.”

Ibiciro bihagaze gute?

Munyaneza yavuze ko ku bijyanye n’ibiciro Abanyarwanda boroherejwe kuko umuntu ashobora kubona inzu kuva ku cyumba kimwe kugera ku byumba bitandatu.

Imodoka nto zikodeshwa 15.000 Frw, inini ziri mu bwoko bwa Hundai, ni hagati ya 30.000 Frw na 40.000 Frw ku munsi ndetse bitewe n’iminsi umuntu ayifata ashobora kugabanyirizwa.

Ni mu gihe ku macumbi ho kuva ku cyumba kimwe kugeza ku byumba bitandatu ari amadolari ari hagati ya 500 (490.000Frw) kugeza 2500 (Miliyoni 2.450) ku kwezi.

Usibye kuba umuntu yakodesha imodoka afite uburenganzira bwo kuyigura maze uyiguze na we TomTransfers ikaba yamuha akazi.

Munyaneza Tom yavuze ko ubu buryo bwo kugura imodoka igahita ihabwa akazi muri TomTransfers bumaze kugoboka benshi.

Ati “Ubu buryo bwo kugura imodoka muri TomTransfers igahita ihabwa akazi bumaze gufasha benshi. Mu Banyarwanda bahoraga bibaza aho bashora amafaranga yabo. Rero TomTransfers ugurayo imodoka bagahita amasezerano y’akazi y’imyaka nibura itatu .”

Kugeza ubu abamaze kugana TomTransfers barenga 5000 kandi bishimira serivisi bahawe.

Ushaka serivisi za TomTransfers wasura urubuga rwabo rwa www.tomtransfers.rw, cyangwa ukabahamagara kuri nimero za telefoni 0787891147 na 0781947463.

Amacumbi aherereye Kibagabaga mu Mujyi wa Kigali
Amacumbi aherereye Kicukiro ku biro bikuru
Icyumba kiba gifite ibikoresho byose ndetse n'uburiri bwiza
Ifite amacumbi yo ku rwego rugezweho
Ikirahuri kigezweho cyo kwireberamo
Inzu ziba zifite igikoni kigezweho
Inzu ziba zifite uruganiririro rwiza kandi umuntu arwicaramo yisanzuye
Iyo ukodesheje amacumbi baguha n'umuntu wo kugufasha imirimo
Muri TomTransfers uhitamo imodoka ushaka bijanye n'ubwoko ukunda
TomTransfers ifte intego yo gukura urubyiruko mu bushomeri ikaruha akazi
TomTransfers ifite amacumbi meza kandi ahantu hatandukanye mu Mujyi wa Kigali
Ukodesheje amacumbi aba afite n'ahantu ho guparika imodoka
Ubwiherero buri muri aya macumbi ni bumwe bugezweho
Umuntu aba yicaye mu ntebe nziza ku buryo butuma aba yisanzuye
Ushobora kugura imodoka ugahita uhabwa akazi ikajya ikwinjiriza
TomTranfers ni icyitegererezo mu gutanga amacumbi meza mu Rwanda

Amafoto: Igirubuntu Darcy


Special pages
. . . . . .