Tariki 21 Nzeri ni umunsi wa 265 mu minsi igize umwaka, hasigaye iminsi 100 uyu mwaka ukagera ku musozo.

Uyu munsi Kiliziya Gatolika irizihiza mutagatifu Iphigénie, umwanditsi w’ivanjiri Matthieu ndetse na Jonas wari umuhanuzi mu isezerano rya kera mbere y’ivuka rya Yezu.

Bimwe mu byaranze uyu munsi mu mateka

1792: Inama Nkuru y’igihugu mu Bufaransa yatangaje ko iki gihugu kigiye gutangira kugendera kuri Repubulika, ndetse aka kanama niko kahagaritse imitegekere ya cyami.

1860: Mu ntambara ya kabiri yibukwa cyane ku izina rya Opium War, ingabo z’Abongereza n’Abafaransa zakubise inshuro ingabo z’Abashinwa bakubitiwe mu gitero cyabereye Baliquio.

1896: Ingabo z’Abongereza zari ziyobowe na Horatio Kitchener zafashe agace ka Dongola mu gihugu cya Sudani.

1964: Igihugu cya Malta cyatangiye kwigenga kibohora ubukoloni bw’Abongereza.

1965: Ibihugu bya Gambiya, Maldives na Singapore byemerewe kuba Abanyamuryango w’Ubumwe bw’Abibumbye.

1971: Ibihugu bya Bahrain, Bhutan na Qatar byinjiye mu Muryango w’Ubumwe bw’Abibumbye.

1976: Igihugu cya Seychelles cyinjiye mu Muryango w’Ubumwe bw’Abibumbye.

1981: Belize yatangaje ko ibonye ubwigenge bwuzuye cyibohora ubukoloni bw’Abongereza.

1984: Brunei yinjiye mu muryango w’Abibumbye.

1993: Perezida w’u Burusiya Boris Yeltsin yasheshe inteko ishinga amategeko nyuma yo kugirana ibibazo n’abagize inteko ishinga amategeko ku kibazo cy’itegeko nshinga.

Boris Yeltsin

1999: Umutingito wibasiye igihugu cya Taiwan mu gace ka Chi-Chi, uyu mutingito wasize uhitanye abantu bagera ku bihumbi 24.

2003: Ubutumwa bwa Galileo bwarasohoye nyuma yo gutangiza ubushakashatsi mu kirere cy’umubumbe wa Jupiter.

Bamwe mu bavutse uyu munsi

1941: R. James Woolsey, Jr., Umuyobozi mukuru w’ibiro by’Ubutasi bya Leta Zunze Ubumwe z’Amerika CIA (Central Intelligence Agency).

1980: Tomas Scheckter, Umukinnyi utwara amamodoka ukomoka mu gihugu cy’Afurika y’Epfo.

Bamwe mu batabarutse uyu munsi

1798: George Read, Umunyamategeko wo muri Leta Zunze Ubumwe z’Amerika, uyu yabaye umwe mu bashyize umukono ku masezerano yahesheje igihugu cye ubwigenge.

1992: Tarachand Barjatya, Umuhinde ukora ibijyanye n’amafilimi washinze inzu itunganganya ibijyanye n’ikorwa ry’amafilimi yitwa Rajshri Productions.