00:00:00 IGIHE NETWORK KN KINYARWANDA EN ENGLISH FR FRANCAIS

Abakozi ba NUR bigomwe ukwezi kumwe mu gushyigikira AgDF, bakusanya miliyoni 711

Yanditswe na

IGIHE

Kuya 1 September 2012 saa 12:54
Yasuwe :

Kuri uyu wa 31 Kanama 2012, abakozi ba Kaminuza Nkuru y’u Rwanda bakoze inama yari igamije kureba uko bashyigikira ikigega Agaciro Development Fund nk’abandi Banyarwanda bakunda igihugu, aho bigomwe ukwezi kumwe.
Iyi nama yarangiye abakozi bigomwe umushara wabo w’ukwezi kumwe yose angana na miliyoni 398 hiyongeraho miliyoni 100 zatanzwe n’isanduku y’ubwisungane mu kwivuza ya kaminuza, hiyongeraho na miliyoni esheshatu zatanzwe n’Ikigega cyo kugurizanya cy’abakozi ba Kaminuza na Kaminuza (…)

Kuri uyu wa 31 Kanama 2012, abakozi ba Kaminuza Nkuru y’u Rwanda bakoze inama yari igamije kureba uko bashyigikira ikigega Agaciro Development Fund nk’abandi Banyarwanda bakunda igihugu, aho bigomwe ukwezi kumwe.

Iyi nama yarangiye abakozi bigomwe umushara wabo w’ukwezi kumwe yose angana na miliyoni 398 hiyongeraho miliyoni 100 zatanzwe n’isanduku y’ubwisungane mu kwivuza ya kaminuza, hiyongeraho na miliyoni esheshatu zatanzwe n’Ikigega cyo kugurizanya cy’abakozi ba Kaminuza na Kaminuza Nkuru y’u Rwanda nk’Ikigo gifite bimwe mu bikorwa byinjiza amafaranga yongeraho miliyoni 207.

Abakozi benshi batanze ibitekerezo muri uyu muhango bavuze ko bumva bishimiye kuba hari uruhare bagize mu kubaka agaciro k’igihugu cyabo.

Umwe muri bo Dr Karangwa Charles uhagarariye abakozi, yavuze ko Kaminuza nk’intiti kugira uruhare mu bikorwa nk’ibi ari ikintu bumva vuba, kandi bakaba bumva ko agaciro ari ikintu cya ngombwa.

Ati “Nkuko twagiye twitabira ibindi bikorwa nko kugira uruhare mu kubaka ibyumba by’amashuri y’uburezi bw’ibanze bukiri ku myaka icyend,a ubu bukaba bugeze Ky’u myaka cumi n’ibiri, gushyigikira iki kigega ntibyagorana kubyumva”.

Uwavuze ahagarariye abakozi bakora muri Kaminuza Nkuru y’u Rwanda b’Abanyamahanga Dr Patrick Kyamanywa, akaba anakuriye Ishami ry’Ubuganga yavuze ko nabo nubwo ari abanyamahanga batasigara inyuma muri iki gikorwa cyo gushyigikira Agaciro Development Fund, kuko igihugu bakoramo iyo gifite agaciro nabo bakagira.

Umuyobozi wa Kaminuza Nkuru y’u Rwanda Prof. Silas Lwakabamba yashimiye abakozi ku bw’iki gikorwa bakoze ku bushake ubona bacyishimiye.

Yagize ati ”Kugira uruhare mu kigega Agaciro Development Fund ni ukwiha agaciro wowe ubwawe”.

Kaminuza Nkuru y’u Rwanda irimo kuganira na Minisiteri y’Imari n’igenamigambi ngo iyishyikirize iyi nkunga y’abakozi, mu kigega Agaciro Development Fund ku mugaragaro.

Ni inkuru ya Jean Baptiste Micomyiza ushinzwe itangazamakuru muri kaminuza nkuru y’u Rwanda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .