Poromosiyo nshya ya ‘MTN Izihirwe’ izanye ibihembo n’abahanzi bakomeye mu Rwanda

Yanditswe na Ndayikunda Josué
Kuya 21 Ukwakira 2019 saa 09:42
Yasuwe :
0 0

Ikigo cy’itumanaho MTN Rwanda cyatangije poromosiyo ‘Izihirwe’ ivuguruye aho iy’uyu mwaka izagaragamo abahanzi barimo; Riderman, DJ Marnaud, Social Mula, Jay Polly, Marina, Safi Madiba na Queen Cha.

Iyi poromosiyo nshya ya ‘Izihirwe’ yatangijwe kuri uyu wa Mbere tariki ya 21 Ukwakira 2019, mu rwego kwishimana n’abakiriya ba MTN Rwanda, aho abanyamahirwe bazajya batsindira ibihembo birimo inka, telefoni, amatike yo kureba cinema, megabayiti za murandasi, amakarita yo guhamagara n’amafaranga angana na miliyoni imwe y’u Rwanda.

Kwinjira muri iyi poromosition ni ugushyira application ya MyMTN muri telefoni cyangwa ukandika *140*6# ubundi ukinjira mu banyamahirwe bazajya batsindira ibihembo buri munsi, buri cyumweru na buri kwezi. Ikindi nuko kwinjira unyuze muri izi nzira bizajya bigufasha kumenya amanota umaze kugira.

Umuyobozi ushinzwe iyamamazabikorwa muri MTN Rwanda, Richard Acheampong, yavuze ko intego za MTN ari uguhora bazanira udushya abakiriya babo no kwishimira ubufatanye bwiza bafitanye.

Ati “Buri gihe tuba dushaka uburyo bushya bwo guhura n’abakiriya bacu no gushaka inzira nziza zo gushimira abakiriya bacu kubw’amahirwe baduha kugira ngo tubahe serivisi. Izihirwe ya kabiri ije ari nziza kandi ibumbatiye ibihembo bitangaje twageneye abakiriya bacu.”

Muri iyi poromosiyo hazaba harimo icyitwa ‘Izihirwe na Muzika’ aho abahanzi bazazenguruka imijyi itandukanye mu gihugu nka Rubavu, Huye, Musanze, Rwamagana na Kigali, ibi byose bikazaba ari mu rwego rwo kwishimana n’abakiriya ba MTN bari hirya no hino mu Rwanda.

Ikindi ni uko hazaba amarushanwa mu ntara enye z’igihugu ku bafite impano zo kuba aba-DJ no kuririmba, abagiye batsinda bakazahurira i Kigali kugira ngo hamenyekane abahize abandi mu ntara.

Abazahiga abandi mu kuba aba-DJ mu ntara zitandukanye bazahabwa ibihumbi 200 FRW, naho abaririmba bo bahabwe ibihumbi 100 FRW.

Kubazagera ku cyiciro cya nyuma cy’iri rushanwa kizabera i Kigali, uzaba yahize abandi mu cyiciro cyaba DJ azahabwa miliyoni 1.5 FRW naho uzaba yabaye uwa mbere mu kuririmba ahabwe miliyoni imwe.

Biteganyijwe ko iyi poromosiyo yatangiye tariki ya 21 Ukwakira 2019 izarangira tariki ya 20 Ukuboza 2019.

Abakiriya ba MTN bari bizihiwe ubwo hatangizwaga iyi poromosiyo
Amezi abiri yose azashira abakiriya ba MTN bizihirwa n'ibihembo bidasanzwe
Umunyamakuru Nizeyimana Luckyman niwe wayoboye ibirori byo gutangiza poromosiyo Izihirwe
Umuhanzi Marina azaba ari muri poromosiyo Izihirwe
DJ Marnaud yiteguye gushimisha abakunzi be
Jay Polly yari yitabiriye umuhango wo gutangiza poromosiyo ya Izihirwe
MTN yahaye abakiriya bayo amahirwe yo kwiyorera amafaranga
Queen Cha yari yitabiriye itangizwa rya poromosiyo ya Izihirwe
Riderman ari mu bazazengurukana na MTN mu bitaramo bitandukanye muri Izihirwe na muzika
Safi Madiba nawe ategerejwe mu bitaramo bya Izihirwe na muzika

Amafoto: Gift Munyarugerero


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza