Abashakashatsi bagaragaje uburyo bwo gupima amaraso bwerekana ubwoko bwa Cancer zirenga 50

Yanditswe na Bukuru JC
Kuya 31 Werurwe 2020 saa 08:30
Yasuwe :
0 0

Inyigo nshya yagaragaje ko hari uburyo bushya bwo gupima amaraso bushobora kuvumbura ubwoko burenga 50 bwa Cancer, aho byitezwe ko buzafasha abaganga kwita ku barwayi hakiri kare kurenza uko byari bisanzwe bikorwa.

Uku gupima gushingiye ku turemangingo ndangasano twihariwe na buri muntu akaba ari natwo tumuranga (ADN), kukaba kwibanda ku mpinduka z’ibinyabutabire, ibizwi nka methylation.

Ubu buryo bwifashishwa mu kugaragaza ubwoko burenga 50 bwa Cancer burimo n’izica cyane nka Cancer y’urwagashya, iy’udusabo tw’intanga, iy’ubwonko n’iy’amara.

Abashakashatsi bavuga ko ubu buryo bwo gusuzuma bwizewe kandi bushobora kugaragaza Cancer mbere y’uko ibimenyetso bigaragara. Nibura ibirenga 99% by’ibisubizo butanga biba ari ukuri ariko haracyari umukoro wo gusuzuma ko budashobora kugira ikibwisoba.

Ibyavuye mu bushakashatsi byatangajwe mu kinyamakuru cy’ubuvuzi bwa Cancer, inzobere zivuga ko ari uburyo bwiza bwo kuvumbura za Cancer zigifata umuntu. Bavuga ko ari uburyo bw’inyongera bwo kuvumbura cancer no kuyivura hakiri kare kurenza uko byakorwaga.

Ubu buryo bwo gusuzuma bwakozwe n’ikigo Dana-Faber Cancer Institute na Mayo Clinic, bureba ibinyabuzima (molecules) bizwi nka methyl bitera impinduka mu tunyangingo (Cellules) bigatuma turwara cancer.

Umwe mu bayoboye iyi nyigo, Geoffrey Oxnard, avuga ko ubu buryo bwo gusuzuma amaraso butuma hagaragara ubwoko bwinshi bwa cancer.

Oxnard yavuze ko ‘ibyavuye mu bushakashatsi byerekanye ubu buryo bwo gusuzuma bushobora kugaragaza cancer ku rwego rwose yaba iriho’.

Mu igerageza hasuzumwe amaraso y’abarwayi barenga 4000 bamwe bafite abandi badafite cancer. Ubwo bushakashatsi bwerekana ko 96% by’ibizamini byafashwe, byagaragaje ubwoko butandukanye bwa cancer.

Ubu buryo bushobora gupima amaraso bukavumbura ubwoko burenga 50 bwa Cancer

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .