Abanduye Coronavirus mu Rwanda biyongereyeho babiri, abakize bagera ku 178

Yanditswe na Cyprien Niyomwungeri
Kuya 16 Gicurasi 2020 saa 08:04
Yasuwe :
0 0

Minisiteri y’Ubuzima yatangaje ko mu bipimo 2041 byafashwe kuri uyu wa Gatandatu tariki 16 Gicurasi 2020, abantu babiri basanzwemo icyorezo cya Coronavirus, byatumye umubare w’abacyanduye ugera kuri 289, mu gihe abakize biyongereyeho umwe bagera ku 178.

Mu Rwanda hamaze gufatwa ibipimo bingana na 48 239, hatahuwemo abantu 289 banduye. Abakirwaye ni 111 mu gihe ntawe uricwa na Coronavirus.

Umurwayi wa mbere wanduye Coronavirus yabonetse mu Rwanda ku wa 14 Werurwe 2020. U Rwanda ruri mu bihugu bitarapfusha umuntu n’umwe, ndetse nta n’urashyirwa mu cyumba cyagenewe kwita ku ndembe za Coronavirus.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.

Coronavirus yagaragaye bwa mbere mu Mujyi wa Wuhan mu Bushinwa mu Ukuboza 2019; kuri ubu 4,683,646 bamaze kuyandura ku Isi yose, barimo 310,825 yahitanye na 1,792,544 bamaze kuyikira.

Abanduye Coronavirus mu Rwanda bageze kuri 289

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .