Abantu batanu bakize Coronavirus, umwe ni we wanduye mu Rwanda

Yanditswe na Ishimwe Israel
Kuya 22 Gicurasi 2020 saa 08:53
Yasuwe :
0 0

Minisiteri y’Ubuzima yatangaje ko abantu batanu basezerewe mu bitaro nyuma yo gukira Coronavirus, mu gihe umwe yayisanganywe mu bipimo 1568 byafashwe uyu munsi.

Kuva umurwayi wa mbere wa Coronavirus abonetse mu Rwanda ku wa 14 Werurwe 2020, abantu 321 bamaze kuyisanganwa mu bagera ku 55 968 bafatiwe ibipimo.

Abantu ba mbere bakize Coronavirus ni Abanyarwanda batatu n’Umurundi umwe, basezerewe aho bari barwariye mu Kigo Nderabuzima cya Kanyinya ku wa 5 Mata 2020. Kuva icyo gihe abamaze gukira ni 222, mu gihe 99 bakiri kwitabwaho kwa muganga.

Itangazo rya Minisiteri y’Ubuzima ryo kuri uyu wa Gatanu, ryagaragaje ko abantu batanu bakize mu gihe umwe ari we wasanganywe Coronavirus.

  • Abanduye ni 321 (barimo umwe mushya)
  • Abakize ni 222 (barimo batanu bashya)
  • Abakirwaye ni 99
  • Nta muntu uritaba Imana
  • Ibipimo bimaze gufatwa ni 55 968 (birimo 1568 bishya)

Abarwayi bari kugaragara muri iyi minsi ni abari gukurwa mu ‘bashoferi b’amakamyo yambukiranya imipaka n’abakorana na bo’.

Coronavirus yagaragaye bwa mbere mu Mujyi wa Wuhan mu Bushinwa mu Ukuboza 2019; kuri ubu 5 263 710 bamaze kuyandura ku Isi yose, barimo 337 852 yahitanye na 2 126 313 bamaze kuyikira.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, guhana intera ya metero, kwambara udupfukamunwa n’amazuru mu gihe umuntu avuye mu rugo cyangwa agiye ahari abantu benshi.

Abantu batanu bakize Coronavirus mu gihe umwe ariwe wasanzwe yaranduye mu bipimo 1568

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .