00:00:00 IGIHE NETWORK KN KINYARWANDA EN ENGLISH FR FRANCAIS

Hahishuwe ko umwana w’amezi atanu wishwe na COVID-19 yari afite ibindi bibazo by’ubuzima

Yanditswe na Mukahirwa Diane
Kuya 18 Mata 2021 saa 10:24
Yasuwe :
0 0

Ku wa Gatanu tariki 16 Mata 2021, nibwo hamenyekanye inkuru y’umwana w’umukobwa w’amezi atanu wishwe na Covid-19. Niwe muntu muto cyane iki cyorezo kimaze guhitana kuva cyagera mu Rwanda.

Uru rupfu rwibajijweho na benshi kuko abakiri bato batari mu byiciro byibasirwa cyane na Covid-19. Amakuru agaragaza ko uwo mwana yari yaravukanye ubundi burwayi bushobora kuba bwaragize uruhare mu rupfu rwe.

Abinyujije ku rukuta rwe rwa Twitter, Umuyobozi Mukuru w’Ikigo cy’Igihugu gishinzwe Ubuzima (RBC) , Dr Sabin Nsanzimana, yavuze ko nubwo uyu mwana yari yaravukanye ubundi uburwayi, iyo atandura Covid-19 yari afite amahirwe yo gukomeza kubaho.

Ati “COVID itangiye kudutwara ibibondo. Nubwo uyu mwana w’amezi 5 yari yaravukanye ubundi burwayi bukomeye, iyo adahura n’iki cyago yashoboraga gukomeza kubaho.Twirinde cyane, Coronavirus iracyahari kandi ntawe ibabarira. Twihanganishije umuryango w’uyu mwana.”

Kuba Covid-19 itangiye guhitana n’abana bato bigaragaza ubukana bwayo. Buri wese arasabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Umuntu muto waherukaga guhitanwa na Covid-19 mu Rwanda ni umwana w’umukobwa w’imyaka 14 wapfuye tariki 12 Ukuboza 2020.

Guhera muri Werurwe 2020, abantu 23 866 nibo bamaze kwandura Covid-19, mu gihe abasaga 322 bapfuye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .