Igerageza ku rukingo rwa COVID-19 rw’uruvange rw’urwakozwe n’u Bwongereza hamwe n’urw’u Burusiya

00:00:00 IGIHE NETWORK

KINYARWANDA

ENGLISH

FRANCAIS IGIHE TV

Izigezweho

U Rwanda - Urwishe ya nka ruracyayirimo! Hubert Védrine yatannye mu gusobanura uruhare rw’u Bufaransa muri Jenoside
Amakuru - Inama Nkuru y’Itangazamakuru yakuweho
U Rwanda - U Bufaransa bwasabwe kugendera ku bimenyetso bishya mu iperereza ku bayobozi babwo bashinjwa uruhare muri Jenoside
Umuco - Ibyagaragajwe n’ubushakashatsi bumaze imyaka 50 bukorerwa ku migogo y’Abami b’u Rwanda (video)
Amakuru - Abatuye i Rubavu basabwe kuba maso nyuma ya Ambasaderi wiciwe hafi y’umupaka w’u Rwanda na RDC
Amakuru - Bapfuye urusorongo: Imitwe myinshi ikorera muri RDC yarwanyaga u Rwanda igeze ku buce

Igerageza ku rukingo rwa COVID-19 rw’uruvange rw’urwakozwe n’u Bwongereza hamwe n’urw’u Burusiya

Yanditswe na Umwali Zhuri

Kuya 12 Ukuboza 2020 saa 10:37

Yasuwe :

Yavuzweho:

0 0

Abahanga muri Siyansi bo mu Bwongereza no mu Burusiya bagiye gukora igerageza ku rukingo rwa COVID-19 ruhuje ebyiri zakozwe n’ibi bihugu byombi harimo urwa AstraZeneca rwakozwe na Kaminuza yo mu Bwongereza ya Oxford n’urwa Sputnik V rwakozwe n’Abarusiya.

Kuvanga izi nkingo zombi bigamije kureba niba zishobora kuzamura ubudahangarwa mu mubiri w’uruhawe ku buryo atakwandura iki cyorezo.

Iri gerageza rizabera mu Burusiya, byitezwe ko rizakorerwa ku bantu bari hejuru y’imyaka 18 gusa ntiharatangazwa umubare w’abo rizakorerwaho.

Oxford yari iherutse gutangaza ko urukingo rwayo rugaragaza ko rushobora kurinda umuntu kwandura COVID-19.

Abashakashatsi baracyari kureba uburyo uru rukingo rushobora gufasha abantu bari mu za bukuru mbere y’uko rwemezwa n’inzego z’ubuzima mu Bwongereza.

AstraZeneca yatangaje ko iri kureba niba kuvanga inkingo zitandukanye bishobora kuzamura ubudahangarwa bw’umubiri wa muntu ku kigero cyo hejuru cyangwa se niba ubwo budahangarwa bushobora kumara igihe kirekire byisumbuyeho.