Burya abakozi bo mu ngo babitse amabanga menshi ya ba shebuja

Mu ngo habaramo ibintu bitandukanye, bitamenwa n’abantu bo hanze, zimwe zirara zishya bwacya zikazima, ahandi ugasanga umugore afite ihabara ku ruhande, abandi ugasanga abakozi ni inshoreke za ba shebuja kandi abantu bo hanze nti babe barabukwa. Amabanga y’urugo atandukanye amenwa n’abakozi bo mu ngo.

Abakozi bakora akazi ko mu rugo bamwe bakunze kwita ababoyi n’abayaya, bamenya byinshi byo mu ngo bakoramo, ku buryo bamwe muri bo usanga abakoresha babo batinya no kubirukan,a cyangwa kubacyaha iyo bakoze amakosa kubera ko baba batinya ko babavamo.

Abakozi batandukanye bo mu Murenge wa Gatsata, Akarere ka Gasabo mu Mujyi wa Kigali baganiriye na IGIHE batangaje ko ibibera mu ngo zaba shebuje biba birenze uko bagaraga mu nzira.

Amazina yabo twayahinduye, kubera impamvu z’umutekano wabo.

Kadogo amaze imyaka itatu mu rugo akoramo, yadutangarije ko aho akora ari abarokore, dore ko ngo no mu rugo rwabo hari icyumba cyo gusengeramo. ” Iyo ijoro rigeze birahinduka, barara barwana, numva mabuja abwira bosi ngo azane indaya ze”. Ibi ni ibitangazwa na Kadogo.

Fifi ati” Mubuja naramwifatiye aryamanye n’umusore uba mu gipangu cyacu, banabyaranye umwana, kandi Boss (Soma Bosi) ntabyo azi. Niyo nakora amakosa ameze gute ntashobora kunkoraho, yankuye ku bihumbi bitanu, angeza ku bihumbi icumi ngo si nzabivuge”.

Abakozi b’abakobwa cyane cyane, batubwiye ko bagirana ubucuti bwihariye na ba shebuja, ba nyirabuja nti babe barabukwa, bityo bikaba imbarutso y’agasuzuguro imbere ya ba nyirabuja.

Bakomeje batubwira ko, byinshi mu byo baba bazi ku mibanire y’abakoresha babo, bo ntacyo baba babiziho, dore ko hari n’ibyo baba bazi ku mugore/umugabo, mu gihe uwo bashakanaye nta cyo abiziho.

Ese uwawe nta mabanga yaba akubikiye ?