St. Valentin: Ibihembo bishimishije ku bazahiga abandi mu kwandika inkuru z’urukundo

Yanditswe na Claude
Kuya 10 Gashyantare 2015 saa 06:38
Yasuwe :
0 0

Mu gihe twitegura umunsi wa St Valentin, IGIHE Ltd yateguye irushanwa ku nkuru z’urukundo ku nshuro ya gatatu, aho abifuza guhatanira ibihembo bizatuma umunsi w’abakundana ubabera udasanzwe bakora mu nganzo bakandika inkuru y’urukundo rwabo igasangizwa abasomyi.
Intego nyamukuru y’iri rushanwa ni ukwereka abakuru ndetse n’abato ko urukundo rutazimye, ko n’iyo mwahura n’ibikomeye bitabarika urukundo ruganza ikibi cyose. Iyo usomye inkuru nziza y’urukundo cyangwa se ukareba filimi, muri wowe (...)

Mu gihe twitegura umunsi wa St Valentin, IGIHE Ltd yateguye irushanwa ku nkuru z’urukundo ku nshuro ya gatatu, aho abifuza guhatanira ibihembo bizatuma umunsi w’abakundana ubabera udasanzwe bakora mu nganzo bakandika inkuru y’urukundo rwabo igasangizwa abasomyi.

Intego nyamukuru y’iri rushanwa ni ukwereka abakuru ndetse n’abato ko urukundo rutazimye, ko n’iyo mwahura n’ibikomeye bitabarika urukundo ruganza ikibi cyose. Iyo usomye inkuru nziza y’urukundo cyangwa se ukareba filimi, muri wowe urukundo rurazamuka ukifuza kubona uwo mwakundana urusa nk’urwo.

Abo bihira kuba mu rukundo abandi babona ari nya kuri baca mu nzira nyinshi akenshi zigoranye kubera amagambo, ibishuko, gukekana amababa n’ibindi bibazitira bigatuma batabasha gusogongera ku byiza by’urukundo kimwe.

Waba wifuza kugira uruhare mu guhamya ko urukundo nyakuri ntaho rwagiye? Urifuza gutsindira ibihembo bizabahesha ibihe byiza mu rukundo rwanyu? Sangiza abasomyi ba IGIHE inkuru y’urukundo rwanyu, utubwire kuva ku munsi wa mbere uhura na wawundi utekereza iyo wumvise ijambo “URUKUNDO”, uko mwatangiye urugendo rwanyu, ibyo mwabayemo byose, ibibi ndetse n’ibyiza, na twa tundi duto twose tugira inkuru yanyu umwihariko.

IGIHE Ltd izahemba inkuru eshatu za mbere zizaba zahize izindi. Mu gutoranya izo nkuru, itsinda rishinzwe gutanga amanota rizibanda ku buryo inkuru itondetse; isomo riri mu nkuru ndetse n’ uburyohe umwanditsi azaba yagerageje gushyira mu nkuru. Ibitekerezo by’abasomyi na byo biri mu bizagenderwaho mu itangwa ry’amanota.

Irushanwa rizasozwa ku italiki ya 12 Gashyantare 2015 saa sita z’amanywa, abatsinze bakazatangazwa ku italiki ya 13 Gashyantare 2015.

Uwifuza kwitabira irushanwa yemerewe kwandika inkuru ye mu rurimi rumworoheye hagati y’Ikinyarwanda, Icyongereza cyangwa Igifaransa. Abazitabira irushanwa bemerewe gukoresha amazina yabo nyayo mu nkuru cyangwa ay’amahimbano, gusa ni ingenzi kwibuka kohereza amazina yawe bwite ndetse na nimero ya telefoni wabonekaho mu gihe watsinze.

Inkuru igomba kuba yanditse muri “format” ya “word”, itarengeje amagambo igihumbi(1000) ikoherezwa kuri [email protected]

Bimwe mu bihembo bizatangwa:

- The Manor Hotel yatanze ifunguro rya nimugoroba n’ijoro rimwe muri kimwe mu byumba byayo byiza cyane; abonnement y’ukwezi muri “gym yabo na piscine”

- Galaxy Hotel yatanze amafunguro ya nimugoroba ndetse n’ijoro rimwe muri kimwe mu byumba byiza byaho.

- Villa Porto Fino Hotel yatanze ifunguro rya nimugoroba ndetse n’ijoro rimwe muri kimwe mu byumba byiza byaho

- Restaurant L’Epicurien yatanze amafunguro ya saa sita cyangwa nijoro bitewe n’icyo abatsinze bazaba bihitiyemo

- SIMBA SUPERMARKET izatanga impano za bimwe mu bicuruzwa byayo birimo ibya Bruno Vassari, za deodorants, body sprays, make up n’ibindi

- KINA Music izatanga amatike yo kujya mu gitaramo cya Christopher kizaba ku I talikiya 14 Gashyantare 2015

- La Ceremoniale nayo yateganyije impano nziza za bimwe mu bicuruzwa byabo harimo tableau na vase byiza cyane

- INKSTAIN nayo izakora igishushanyo(portrait) cy’ ifoto y’abakundana bazaba bihitiyemo n’ibindi byinshi bitandukanye..

Ushaka gusoma inkuru zatsinze umwaka ushize soma izikurikira:

Iyabaye iya mbere: Italiki ya 14 Gashyantare...umunsi utazibagirana mu buzima bwacu

Iya kabiri: Nari nsanzwe ngukunda

Ku mwanya wa gatatu: Urwo nkundana n’Urusaro reka rurambe, ruteretse ku rutare


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza