Minisitiri w’Umutekano mu gihugu cya Uganda Dr. Crispus Kiyonga yasobanuriye Inteko ishingamamtegeko y’iki gihugu ko babeshya, abavuga ko hari gahunda yiswe (Muhoozi project) yo kwica abasirikare bakuru ndetse abandi batemera ko Museveni yasimburwa n’umuhungu we.

Ibihuha byaturutse mu ibaruwa yo ku wa 29 Mata uyu mwaka yanditswe na Gen. David Tinyefuza, ushinzwe maneko mu gihugu cya Uganda, aho yatangaje amwe mu mazina y’abasirikare bakuru bateguye iki gikorwa.

Minisitiri Kiyonga yasobanuruiye Inteko ko kuba uyu Tinyefuza yaranditse ibaruwa, atari uko ayobewe amategeko agenga igihugu ndetse n’abasirikare ayobora n’ubwo ibyo yavuze nta kuri kurimo.

Asobanurira Inteko Ishinga amategeko kuri uyu wa Gatatu tariki 8 Gicurasi, Minisitiri yavuze ko abayobozi badakwiye kuvuga byinshi ku binyoma kugira ngo badakomeza kongerera abaturage b’igihugu cya Uganda urujjijo.

Nk’uko tubitangarizwa na redpepper.co.ug, Perezida wa Uganda Yoweri Kaguta Museveni arimo gufatira ingamba zikaze aba basirikare bakoze ibyo we yise ikinyabupfura gike cyakwijwe mu baturage, binyuze mu buryo bwinshi burumo n’ibitangazamakuru.