Kwamamaza

Kaminuza y’u Rwanda yatangije “Masters” mu masomo yo kubyaza inyungu ubuhinzi

Yanditswe kuya 24-01-2015 saa 16:19' na Deus Ntakirutimana


Kaminuza y’u Rwanda ifatanyije n’Ikigo cy’Abanyamerika gishinzwe Iterambere Mpuzamahanga (USAID) bagiye gutangiza amasomo y’icyiciro cya gatatu cya kaminuza mu bijyanye n’ Ubuhinzi bugamije ubucuruzi no kongerera agaciro ibibukomokaho(Agribusiness).
Aya masomo azatangirira mu ishuri rya Rubirizi na Rusizi mu ntangiriro za Gashyantare 2015 nkuko IGIHE yabitangarijwe na Nyinawamwiza Laetitia, umuyobozi w’Ishami rya Kaminuza y’u Rwanda ryigisha iby’ubuhinzi, ubumenyi bw’inyamaswa n’ubuvuzi bwazo (...)

Kaminuza y’u Rwanda ifatanyije n’Ikigo cy’Abanyamerika gishinzwe Iterambere Mpuzamahanga (USAID) bagiye gutangiza amasomo y’icyiciro cya gatatu cya kaminuza mu bijyanye n’ Ubuhinzi bugamije ubucuruzi no kongerera agaciro ibibukomokaho(Agribusiness).

Aya masomo azatangirira mu ishuri rya Rubirizi na Rusizi mu ntangiriro za Gashyantare 2015 nkuko IGIHE yabitangarijwe na Nyinawamwiza Laetitia, umuyobozi w’Ishami rya Kaminuza y’u Rwanda ryigisha iby’ubuhinzi, ubumenyi bw’inyamaswa n’ubuvuzi bwazo (College of Agriculture, Animal Sciences & Veterinary Medicine,CAVM-Busogo) ahari icyicaro gikuru cy’aya masomo.

Ishami rya Kaminuza y’u Rwanda ryigisha iby’ubuhinzi, ubumenyi bw’inyamaswa n’ubuvuzi bwazo icyicaro cy'iyo gahunda

Umunyamabanga uhoraho muri Minisiteri y’Ubuhinzi n’Ubworozi Musabyimana Innocent yatangaje ko u Rwanda rwari rufite icyuho mu bize ayo masomo ariko ko bagiye kukiziba.

Yagize ati “Hari icyuho ku bize aya masomo. Iyi gahunda iraza yongera umubare w’ Abanyarwanda bafite ubumenyingiro. Mu Rwanda tugomba kongera umusaruro ku 8.5%, ubukungu bw’igihugu bukiyongera kuri 11.5% birasaba imbaraga zidasanzwe kandi ubuhinzi dusanzwe tuzi ko ari ingenzi ku buzima bw’ Abanyarwanda no ku bukungu bw’igihugu.”

Musabyimana avuga ko izafasha gushyira mu bikorwa gahunda y’imyaka itanu iyi Minisiteri yihaye yo guhindura ubuhinzi hakorwa ubw’umuwuga bwo kongera umusaruro n’agaciro kawo binajyana no guhuza amasomo umuhinzi agatera imbere.

Umuyobozi w’uyu mushinga muri kaminuza ya Michigan State University Dr Gretchen Neisler, asanga bateye intambwe ikomeye mu gufasha no kuzamura ubuhinzi mu Rwanda kandi ko bazabikomeza.

Ngabitsinze Jean Chrisostome, umuhuzabikorwa w’iyi porogaramu asanga igamije kongerera imbaraga abagore kuko n’ubundi usanga umubare munini wabo ari abahinzi, bazanafashwa kunoza ibyo bakora bikagera ku isoko.

Abanyeshuri basaga 130 bamaze gutangaza ko bazitabira aya masomo, azibanda ku bushakashatsi n’ubucuruzi.

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 September 2016
Copyright © 2009 -2014 - IGIHE Ltd - All Rights Reserved