Ambasaderi Jacques Bihozagara yasezeweho bwa nyuma (Amafoto)

Yanditswe na Philbert Girinema
Kuya 15 Mata 2016 saa 02:06
Yasuwe :
0 0

Abayobozi bakuru b’igihugu barimo Minisitiri w’Intebe, Anastase Murekezi, Abaminisitiri, abagize Inteko Ishinga Amategeko, abahagarariye ibihugu byabo mu Rwanda; basezeye bwa nyuma kuri Ambasaderi Dr Jacques Bihozagara.

Madamu Jeannette Kagame nawe yitabiriye uyu muhango wo gusezera kuri Ambasaderi Bihozagara.

Bihozagara yavukiye mu Rugarama muri Nyaruguru kuwa 25 Gashyatare 1945, mu muryango w’abana 12, abahungu 8 n’abakobwa bane.

Yakuye doctorat muri RDC mu buvuzi bw’amatungo mu 1979. Yagiye kwihugura mu Budage mu gihe cy’imyaka ibiri mu bijyanye n’ubuvuzi bw’amatungo.

Mu 1994 yabaye Minisitiri wo gucyura impunzi nyuma yaho aba uw’umuco na siporo, mu 1999 aba Ambasaderi w’u Rwanda mu Bubiligi, akomereza mu Bufaransa, mu 2003 ajya mu kiruhuko cy’izabukuru.

Umunyamabanga Mukuru wa FPR Inkotanyi, François Ngarambe yavuze ko Bihozagara yari umuntu w’ingenzi ku gihugu, aho mbere ya 1994 yari yarahawe akazi ko kwigisha amahame ya FPR mu ntara yitwaga ‘B’ mu Burundi, aza no gukora imirimo ya dipolomasi mu Bihugu by’u Burayi.

Yavuze ko Umuryango wa FPR Inkotanyi uzakomeza kuzirikana ko yari umuntu w’ingirakamaro.

Ati ‘‘Jacques Bihozagara agiye yari agikenewe, umuryango wa FPR Inkotanyi ubuze intore. Tuzahora tumwibukira ku bikorwa bye, Intore ntipfa, iratabaruka.”

Dr Bihozagara yaguye muri gereza mu Burundi mu byumweru bitatu bishize, asize umugore Bihozagara Jeanne n’abana bane, abahungu batatu n’umukobwa umwe.

Umuhango wo kumusezeraho bwa nyuma wabereye mu rusengero rwa St Etienne mu Biryogo.

Ambasaderi Bihozagara yafungiwe i Burundi mu Ukuboza 2015 akekwaho kuba intasi y’u Rwanda. Inkuru y’incamugongo ku rupfu rwe yamenyekanye tariki ya 30 Werurwe 2016 aguye muri gereza ya Mpimba.

Minisitiri Biruta na Senateri Ntawukuriryayo ni bamwe mu bayobozi basezeye kuri Bihozagara

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza