Umuyobozi w’Akarere ka Nyamasheke, Kamali Aimée Fabien mu kiganiro na IGIHE yemeje ko uyu mubyeyi Mukandahirwa Thérèse w’imyaka 45 yishwe mu ijoro ryo kuwa Mbere tariki ya 8 Kanama 2016.

Yagize ati “ Ntabwo twabihamya ko aribo bamwishe kuko iperereza rigikomeje ,ariko aba basore bari baraye mu nzu imwe na nyina ndetse n’umutoya arabyemeza.”

Yongeyeho ko Umuhungu mukuru we asanzwe aba i Kigali ariko akaba ngo yari yaje gusaba nyina amafaranga ibihumbi 400 byo gukorera uruhushya rwa burundu rwo gutwara imodoka.

Nyuma y’urupfu rwa nyina ngo uyu muhungu mukuru yahise aburirwa irengero.

Kamali avuga ko urupfu rw’uyu mubyeyi abaturage barumenye nyuma yo kumara amasaha menshi batamubona.

Kugeza ubu umuhungu muto afungiwe kuri sitasiyo ya Polisi ya Kanjongo.