Kwamamaza

Kagame yeretse abacuruzi bo muri Maroc amahirwe ari mu ishoramari mu Rwanda (Amafoto)

Yanditswe kuya 22-06-2016 saa 11:55' na Rabbi Malo Umucunguzi


COMMENTS: 6

Perezida Paul Kagame yagiranye ibiganiro n’abikorera mu Mujyi wa Cassablanca muri Maroc, baganira byinshi ku mahirwe aboneka mu ishoramari mu Rwanda, ubwo yari mu ruzinduko rw’iminsi ibiri muri icyo gihugu, uruzinduko yatangiye kuwa Mbere tariki 20 Kamena ku butumire bw’Umwami Mohammed VI.

Abo bikorera babarizwa mu nzego zinyuranye zirimo amabanki, ibikorwa remezo, ubukerarugendo n’ibijyanye no gutunganya imiti bagaragaje inyota yo kumenya byinshi ku bucuruzi mu Rwanda.

Umuyobozi Ushinzwe ibikorwa mu Kigo cy’Igihugu cy’Iterambere, RDB, Serge Kamuhinda, yavuze ko abikorera bo muri Maroc bagaragaje ubushake bwo kwifashisha u Rwanda bakageza ibikorwa byabo mu Karere ka Afurika y’Uburasirazuba.

Perezida Kagame yasoje uruzinduko rw’iminsi ibiri yagiriraga muri icyo gihugu cyo mu Majyaruguru ya Afurika, aherekezwa na Minisitiri w’Intebe Abdel-Ilah Benkiran, Umuyobozi (Wali) w’agace ka Casablanca- Settat, Guverineri w’Intara ya Nouaceur n’abandi bayobozi mu nzego z’ubutegetsi n’igisirikare.

Ku munsi wa Mbere w’uru ruzinduko Umwami Mohammed VI yashyikirije Perezida Kagame Umudali w’Icyubahiro witiriwe Wissam Al-Mohammadi, ukaba ishimwe riruta ayandi mu bwami bwa Maroc. Ni ishimwe ryashyizweho kuwa 16 Ugushyingo 1956 n’umwami Mohammed V wayoboye igihugu kuva mu 1955 kugeza mu 1961.

Uru ni uruzinduko rugamije kongerera imbaraga umubano mwiza usanzwe hagati y’ibihugu byombi, ndetse mu biganiro byahuje ba Minisitiri b’Ububanyi n’Amahanga bijyanye n’uru ruzinduko, baganiriye ku masezerano y’ubufatanye ashobora gufasha mu bikorwa ibi bihugu byifuza gufatanyamo.

Perezida Kagame n'Umuyobozi w'Inteko Ishinga Amategeko ya Maroc, Rachid Talbi Alami
Perezida Kagame aramukanya na Minisitiri w'Intebe wa Maroc, Abdel-Ilah Benkiran
Perezida Kagame mu biganiro na Minisitiri w'Intebe wa Maroc, Abdel-Ilah Benkiran
Perezida Kagame na Salaheddine Mezouar, Minisitiri w'Ububanyi n'Amahanga wa Maroc
Perezida Kagame aganira na Salaheddine Mezouar, Minisitiri w'Ububanyi n'Amahanga wa Maroc
Perezida Kagame mu biganiro n'abagize Urwego rw'Abikorera muri Maroc
Abayobozi batandukanye baherekeje Perezida Kagame

Amafoto: Village Urugwiro


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: info@igihe.com, marketing@igihe.com

Website Developped by

Uru Rubuga Ruheruka Gushyirwaho Amakuru Saturday 17 Ukuboza 2016
Copyright © 2009 -2014 - IGIHE Ltd - All Rights Reserved