Perezida Kagame yitabiriye umukino wa nyuma wa Champions League

Yanditswe na

Manzi Lema Jules

Kuya 29 Gicurasi 2016 saa 08:25
Yasuwe :
0 0

Perezida wa Repubulika y’u Rwanda Paul Kagame yari i San Siro mu Mujyi wa Milan ahabereye umukino wa nyuma wa UEFA Champions League hamwe n’abandi banyacyubahiro.

Perezida Kagame wari kumwe n’umuyobozi w’Ishyirahamwe ry’umupira w’amaguru mu Rwanda, Nzamwita Vincent De Gaulle bakurikiranye uyu mukino wamaze iminota 120 amakipe yombi yananiwe kwisobanura hakitabazwa penaliti zasize Real Madrid ikoze amateka yo kwegukana igikombe cya Champions league cya 11.

Perezida Kagame wafanaga Atletico Madrid yifashishije urukuta rwe rwa Twitter yavuze ko wari ’umukino mwiza’ ndetse anashima uburyo ikipe yafanaga yitwaye aho yizera ko ubutaha ishobora kuzegukana iki gikombe.

Mu bandi bantu bagaragaye kur iki kibuga bazwi ni nk’uwahoze ari umutoza wa Manchester United Sir Alex Ferguson wanegukanye iki gikombe inshuro ebyiri agitoza, Alicia Keys umunyamerikakazi wamamaye mu kuririmba wanasusurukije ibihumbi byari byitabiriye uyu mukino n’abandi cyane abafite aho bahuriye n’umupira w’amaguru.

Inkuru bifitanye isano: Real Madrid yegukanye igikombe cya 11 cya Champions League (Amafoto)

Perezida Kagame na Perezida wa Ferwafa i San Siro ahabereye umukino wa nyuma wa UEFA Champions League

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza