Umwenda wa miliyoni 383 ibitaro bya kibogora bitishyurwa ushobora gutuma bibura imiti

Yanditswe na Mathias Hitimana
Kuya 18 Kanama 2013 saa 09:04
Yasuwe :
0 0

Ibitaro bya Kibogora biri mu karere ka Nyamasheke birasaba Guverinoma ubufasha bwo kwishyuza ideni risaga miliyoni 383 riri mu bafatanyabikorwa barimo ubwisungane mu kwivuza « mutuelle de santé » bishobora gutuma bibura ubushobozi bwo kwishyura imiti ihabwa abarwayi.
Umuyobozi w’Ibitaro bya Kibogora, Dr Nsabimana Damien, agaragaza ko umwenda wose Ibitaro bya Kibogora biberewemo n’abafatanyabikorwa ba « mutuelle de santé » ungana na miliyoni 338, ubundi bwishingizi bwo bubirimo abarirwa muri (...)

Ibitaro bya Kibogora biri mu karere ka Nyamasheke birasaba Guverinoma ubufasha bwo kwishyuza ideni risaga miliyoni 383 riri mu bafatanyabikorwa barimo ubwisungane mu kwivuza « mutuelle de santé » bishobora gutuma bibura ubushobozi bwo kwishyura imiti ihabwa abarwayi.

Umuyobozi w’Ibitaro bya Kibogora, Dr Nsabimana Damien, agaragaza ko umwenda wose Ibitaro bya Kibogora biberewemo n’abafatanyabikorwa ba « mutuelle de santé » ungana na miliyoni 338, ubundi bwishingizi bwo bubirimo abarirwa muri miliyoni 45 nk’uko RNA yabigaragaje.

Ibitaro bya Kibogora biratabaza kuko iyi myenda ituma bidashobora no kwishyura miliyoni 56 yaguze imiti mu mafarumasi y’akarere ka Nyamasheke n’andi angana na miliyoni 184 byagujijwe n’abafatanyabikorwa.

Dr Nsabimana ati “Twabuze n’uburyo twakwishyura imyenda twagiye dufata dufite icyizere ko natwe tuzishyurwa vuba.”

Na none kandi ubuyobozi bw’ibitaro butangaza ko bwananiwe no guha abakozi agahimbazamusyi kuva mu mezi arindwi ashize, nubwo abakozi batahwemye gutanga serivisi nziza batitaye ko batabona ishimwe ry’ubwitange.

Dr Anita Asiimwe, Umunyamabanga wa Leta muri Minisiteri y’Ubuzima ushinzwe ubuzima rusange n’ubuvuzi bw’ibanze, yijeje ibi bitaro ko Guverinoma izi neza iki kibazo, cyane cyane umwenda ujyanye na Mutuelle de Santé uzishyurwa mu ngengo y’imari y’uyu mwaka wa 2013-2014 bitarenze muri Nzeri 2013.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza