Kwamamaza

Gikondo: Haracyari urujijo mu mitangirwe y’ibibanza mu isoko

Yanditswe kuya 6-02-2013 saa 12:35' na Emmanuel Kanamugire
     


N’ubwo hari benshi batangaza ko bari bategujwe ko bazimuka mu isoko rya Gikondo ubu bakaba baranabonye ahandi bazakorera, hari abavuga ko imitangirwe y’ibibanza idasobanutse kuko hari n’ababyuzuje bimwe uburenganzira bwo kubikoreramo.
Ubwo twageraga aho bita Karugira isoko rya Gikondo ryimukiye by’agateganyo, hari bamwe badutangarije ko bakiri mu gihirahiro nyuma yo kwimura ibicuruzwa byabo bakaba batarabona aho babishyira kandi barubatse.
Uwayezu Rose yadutangarije ko bamwe mu basanzwe (...)

N’ubwo hari benshi batangaza ko bari bategujwe ko bazimuka mu isoko rya Gikondo ubu bakaba baranabonye ahandi bazakorera, hari abavuga ko imitangirwe y’ibibanza idasobanutse kuko hari n’ababyuzuje bimwe uburenganzira bwo kubikoreramo.

Ubwo twageraga aho bita Karugira isoko rya Gikondo ryimukiye by’agateganyo, hari bamwe badutangarije ko bakiri mu gihirahiro nyuma yo kwimura ibicuruzwa byabo bakaba batarabona aho babishyira kandi barubatse.

Uwayezu Rose yadutangarije ko bamwe mu basanzwe bacuruza batarabona ibibanza, nyamara hakaba hari ababibonye kandi batacuruzaga yibwira ko abari basanzwe bakora ari bo bagombaga guherwaho. Agira ati "Ntitwumva ukuntu umuntu wari usanzwe acuruza yakwimwa ikibanza, abashya akaba ari bo babihabwa mbere kandi twarafungiwe aho twakoreraga."

Kaboyi Jean Bosco, Umunyamabanga Nshingwabikorwa w’Umurenge wa Kigarama mu Karere ka Kicukiro yatangaje ko abantu bose uko bakoreraga mu isoko bimuwe bagahabwa ibibanza. Ati "abavuga ko batahabonye ni ababeshya ko bari basanzwe bakora nyamara atari byo."

Yavuze ko abandi batimuriwe aho isoko rigiye gukorera by’agateganyo ari abacuruzaga inyama n’amafi, kuko nta mazi ahari cyangwa umuriro w’amashanyarazi.

Na ho ku bamaze kubaka ariko bakaba badafite uburenganzira bwo gukora ngo biraterwa n’uko bubatse batabiherewe uburenganzira n’ubuyobozi bw’Akarere, aho ngo usanga bavuga ko bavuganye n’umuyobozi w’isoko.

Ahimuriwe isoko by’agateganyo, buri mucuruzi wari usanzwe ucuruza ahabwa ikibanza ugereranije cya metero 2 kuri 1,5, akaba ari we ucyiyubakira.

Umutekano w’ibicuruzwa byabo ngo urahangayikishije mu gihe benshi muri bo batararangiza kubaka aho bigomba kubikwa.

Umwe mu baturage baturiye iryo soko, utarashatse ko izina rye ritangazwa, yadutangarije ko impamvu imitangire y’ibibanza mu isoko iteye urujijo haba hari ababifitemo inyungu bakomeza kudindiza icyo gikorwa, bituma abacuruzi bakomeza guhomba.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved