Kwamamaza

Huye: Ubuyobozi burasabwa kubona umuceri mwinshi nk’igisubizo aho kuba ikibazo

Yanditswe kuya 27-01-2013 saa 15:40' na James Habimana
     


Nyuma y’aho ubuyobozi bw’Akarere ka Huye butangarije ko abaturage bafite ikibazo cyo kweza umuceri mwinshi ariko bakaba nta ruganda bafite, Minisitiri w’intebe yabasabye kutabona ko kweza ari ikibazo ahubwo asaba ubuyobozi kwishakamo ibisubizo.
Mu kiganiro Umuyobozi w’Akarere ka Huye Muzuka Eugene yagejeje ku bitabiriye inama yahuje inzego za Leta n’abikorera tariki ya 25 Mutarama, yabatangarije ko abaturage bahinga mu gishanga cya Mwogo bafite ikibazo cyo kugira umusaruro mwinshi w’umuceri, (...)

Nyuma y’aho ubuyobozi bw’Akarere ka Huye butangarije ko abaturage bafite ikibazo cyo kweza umuceri mwinshi ariko bakaba nta ruganda bafite, Minisitiri w’intebe yabasabye kutabona ko kweza ari ikibazo ahubwo asaba ubuyobozi kwishakamo ibisubizo.

Mu kiganiro Umuyobozi w’Akarere ka Huye Muzuka Eugene yagejeje ku bitabiriye inama yahuje inzego za Leta n’abikorera tariki ya 25 Mutarama, yabatangarije ko abaturage bahinga mu gishanga cya Mwogo bafite ikibazo cyo kugira umusaruro mwinshi w’umuceri, kuko ngo bakora ibirometero 15 bawujyana ku ruganda rwa Gikonko, bityo asaba ko ubuyobozi bwafasha akarere gukemura ikibazo cyabo.

Minisitiri w’intebe Dr. Pierre Damien Habumuremyi yasabye ubuyobozi bw’Akerere ka Huye kubona ko kweza umuceri mwinshi atari ikibazo, ahubwo ababwira ko bakwiye ku kibona nk’igisubizo, igikenewe kikaba ari ukwishakamo igisubizo biyubakira uruganda.

Dr. Habumuremyi yagize ati “Mbere yo gushakira inkunga muri Leta, mugomba kubanza kuyishakamo ubwanyu biciye mu bikorera n’ubuyobozi bw’intara dore ko ibyangombwa byose bihari, birimo umuceri mwinshi ndetse n’isoko.”

Minisitiri w’intebe kandi yaboneyeho gusaba abikorera kujya bafata iya mbere mu gushora imari mbere yo gutegereza Leta. Abaha urugero rw’aho ngo mu bindi bihugu abikorera ari bo baza ku isonga Leta ikaza yunganira, nyamara mu Rwanda ho ngo si ko bimeze kuko usanga Leta ari yo ikora mbere y’abikorera.

Ubuyobozi bw’akarere n’ubw’intara bwemereye Minisitri w’intebe ko bugiye kubaka uru ruganda bidatinze, na we abizeza ko ni rwuzura azaza kurumurikira abaturage.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved